:
Hver er ávinningur Íslendinga af fyrirgreiðslu við erlenda fjárfesta?
“Embættismenn í orkugeiranum hafa sagt að það sé siðferðisleg skylda landsmanna að virkja fyrir stóriðju. Hér á landi er fólk vant að trúa því sem því er sagt. Í slíku umhverfi kann að vera hollt að skoða það sem erlendar efnahagsstofnanir hafa að segja um málið. Þær hafa það fram yfir íslenskar stofnanir sem fjalla um málið að þær eru óháðar íslenskum stjórnvöldum. Efnahags- og framfarastofnunin, OECD, hefur undanfarin ár látið í ljós áhyggjur af því í skýrslum sínum um Ísland að stuðningur við stóriðju í formi opinberra ábyrgða á virkjunum og skattaafsláttar hamli gegn viðgangi þekkingariðnaðar hér á landi. Á sínum tíma sagði stofnunin að æskilegt hefði verið að láta einkafyrirtæki um Kárahnjúkavirkjun. Þannig hefðu skattgreiðendur losnað við áhættuna af verkefninu ,,og einnig hefði þannig mátt prófa arðsemi virkjunarinnar á frjálsum markaði“.
meira
Sigurður Jóhannesson
31. desember 2008 20:16
Uppruni:
Einkunn
Nú árið er liðið...
Höfundar þessa myndbands hafa haft gaman af starfi sínu í þrívíddarforritinu. Myndbandið gengur nú manna á milli og skiptst er á skoðunum um raunveruleika þess og val tónlistar. Hér gefst kostur að berja þessa heims(enda)sýn augum. Og nú þegar gamla árið verður brennt út um áramótin er kannski ástæða til þess að minnast þess að jörðin okkar er ekki eilíf og óþrjótandi frekar en margt annað. Árið 2008 er reyndar hlaupaár í lengra lagi þar sem menn hafa ákveðið að bæta sekúndu við síðustu mínútu ársins. Geta nördar þá velt sér uppúr því hvað klukkan er þá; 00:00:01 -> 00:00:00 eða 24:00:01 -> 00:00:00 eða eitthvað annað.
Náttúran.is þakkar lesendum sínum og landsmönnum öllum liðið ár og óskar öllum sjálfbærrar framtíðar á nýju ári, með myndum af því sem gæti líklega talist stærsta bál sem hugsast má á þessari plánetu.
nánar
Einar Bergmundur
31. desember 2008 18:00
Uppruni: Náttúran.is
Einkunn
Gæti þurft að henda þúsundum plantna
Gert er ráð fyrir miklum niðurskurði á framlögum til skógræktarverkefna í tillögum ríkisstjórnarinnar að breyttum fjárlögum fyrir árið 2009. Alls nemur niðurskurðurinn tæpum 112 milljónum króna í landshlutabundnum skógræktarverkefnum en heildarupphæðin sem ætluð er til málaflokksins er 447,7 milljónir króna. Er það um 20 prósenta niðurskurður á framlögum frá því sem lagt var til þegar fjárlagafrumvarpið var fyrst lagt fram. Heildarupphæð sem áætluð er til þessara verkefna á árinu 2009 er því 65,7 milljónum krónum lægri en sú upphæð sem rann til málaflokksins á fjárlögum líðandi árs en þá var framlagið 513,4 milljónir króna. Auk þess er gert ráð fyrir að skorið verði niður í rannsóknum í skógrækt í þágu landbúnaðarins um 1,3 milljónir króna.Bitnar eingöngu á landsbyggðinni
Björn B. Jónssonframkvæmdastjóri Suðurlandsskóga segir að ef af þessari skerðingu verði sé það gríðarlegt högg. „Mér sýnist að ef af þessu verður þá þurfi að henda einhverjum þúsundum plantna sem þegar er búið að ganga frá samningum um kaup á í gegnum Ríkiskaup. Þetta þýðir niðurskurð á launum til bænda og það má auðvitað segja að þarna sé á ferðinni niðurskurður sem bitnar eingöngu á landsbyggðinni. Þetta er mjög slæmt mál, sérstaklega núna þegar þessi verkefni voru farin að ganga gríðarvel. Hver einasta króna sem sett hefur verið í þennan málaflokk hefur verið að nýtast og um 80 prósent af þessum fjármunum hafa farið í launagreiðslur. Þetta eru gríðarlega róttækar aðgerðir og ég er mjög uggandi vegna þessa.“
Ekki í samræmi við markmið í loftslagsmálum
Valgerður Jónsdóttir framkvæmdastjóri Norðurlandsskóga tekur í sama streng og Björn. „Mín viðbrögð eru fyrst og fremst vonbrigði. Þarna hefði verið tækifæri til að auka atvinnusköpun á landsbyggðinni og ekki veitir nú af í þessu árferði. Þetta getur haft mjög vond áhrif til framtíðar og mun fyrst og fremst bitna á bændum og gróðrarstöðvunum. Það er nú svo að skógrækt er því marki brennd að það þarf að gera áætlanir til framtíðar og trjáplöntur er ekki hægt að geyma von úr viti frekar en mjólk. Það gæti alveg farið svo að það þyrfti að henda plöntum.“
Valgerður bendir jafnframt á að þessi ákvörðun sé trauðla í takt við markmið Íslands í loftslagsmálum. „Það er engin leið betri til að binda koltvísýring en skógrækt og þetta dregur auðvitað verulega úr þeim árangri.“ Forsvarsmenn skógræktarverkefnanna funduð með fulltrúum landbúnaðarráðuneytisins á föstudaginn var og segir Valgerður að auðvitað sé ráðuneytinu þröngt sniðinn stakkurinn. „Það ríkti engin gleði með þetta þar og mér heyrðist á máli manna að litlar lýkur væru á að dregið yrði úr þessum niðurskurði. Þetta er hið versta mál því þessi niðurskurður snertir ákaflega marga.“
nánar
Bændablaðið
30. desember 2008 20:43
Uppruni: Bændablaðið
Einkunn
Ríkisstyrkur til Norðuráls?
Frétt Morgunblaðsins í dag af fjárhagslegum stuðningi ríkisstjórnarinnar við álver Norðuráls í Helguvík á sömu forsendum og milljarðastuðningur við álver Alcoa í Reyðarfirði og Norðurál á Grundartanga bendir til að ríkisstjórnin hyggist lejggja Norðuráli til nokkra milljarða til að auðvelda fjármögnun.Morgunblaðið bendir á, að áður en samningur ríkisins við Norðurál verður undirritaður, verði „fyrst að tilkynna hann, líkt og alla opinbera styrki af þessu tagi, til Eftirlitsstofnunar EFTA (ESA) sem síðan skilar umsögn um samninginn. Þegar því er lokið fer hann fyrir Alþingi til samþykktar."
Umsögn (eða úrskurður) Eftirlitsstofnunar ESA snýst um hvort ríkisstyrkur til Norðuráls hamli samkeppni (milli álfyrirtækja) eða hvort um sé að ræða styrk til að efla byggð á Suðurnesjum. Þannig var 2,6 milljarða styrkur ríkisins (á gengi ársins 2003) til Alcoa Reyðaráls skilgreindur sem byggðatyrkur.
Sjá hér að neðan nokkrar athyglisverðar spurningar Dofra Hermannssonar - sem ESA hlýtur að velta fyrir sér. Af bloggsíðu Dofra:
meira
Árni Finnsson
30. desember 2008 08:14
Uppruni: Dofri Hermannsson / NSÍ - Náttúruverndarsamtök Íslands
Einkunn
Flugeldar og umhverfið
Náttúran.is skoraði fyrir síðustu áramót á söluaðila flugelda á landinu öllu (sjá áskorunina) að sýna ábyrgð og taka það upp hjá sér að upplýsa viðskiptavini sína um umhverfisáhrif er af flugeldum og blysum hljótast og hvetja til réttrar meðhöndlunar á því mikla magni úrgangs sem hlýst af sprengigleði landans. Því er skemmst frá að segja að margir dyggir stuðningsmenn björgunarsveitanna tóku þetta illa upp og fannst að sér vegið, nokkuð sem alls ekki var meiningin. Umræðan um umhverfisáhrif af bruna flugelda og rétta förgun hrökk í gang og mikill fjöldi fólks sá ástæðu til að setja orði í belg hér á vefnum auk þess sem viðtal var tekið við mig á Rás 2. Með því að taka málið til umræðu virtist Pandoru-boxið hafa verið opnað upp á gátt. Það verður því áhugavert að fylgjast með því hvort að neikvæð umhverfs- og heilsuáhrif af flugeldum verði til umræðu annars staðar í þjóðfélaginu þetta árið. Málið snýst fyrst og fremst um það að allir taki ábyrgð á sínum gjörðum, þeir sem selja, þeir sem kaupa, þeir sem sjá um sorpið og ekki síst þeir sem eiga að sjá um umhverfismennt í þjóðfélaginu. Náttúran.is er einmitt einn af þeim aðilum sem að vilja sjá um það síðastnefnda, þ.e. upplýsa um umhverfismálaþáttinn. Hluti af upplýsingagjöf og skapandi umræðu byggir á því að velta upp möguleikum um úrlausnir eða betrumbætur. Þúsund tonn af eiturefnum og úrgangi kemur okkur öllum við og fyrst á dagskrá er að skoða stöðuna eins og hún er í dag.
Undanfarin ár hefur mikil aukning orðið í sölu flugelda en jafnframt hafa einkaaðilar komið inn á svið sem að björgunarsveitirnar töldu sitt áður. Þetta gremst þeim því að sala flugelda er aðaltekjulind sveitanna. Þó má segja að með aukinni samkeppni hafi aukning í sölu fylgt í kjölfarið svo það er ekki víst að minni peningar komi í kassann en áður.
Nú á tímum mikillar umhverfisvakningar um allan heim og á öllum sviðum neyslu og viðskipta þarf að taka til endurskoðunar þá mengun sem mennirnir bera ábyrgð á. Einstaklingar jafnt sem fyrirtæki í framleiðslu, þjónustu og sölu verða því að taka ábyrgð á gjörðum sínum. Ef allir taka ábyrgð gengur dæmið upp, annars ekki. Þetta eru staðreyndir málsins.
Umhverfisáhrif af sprengingum flugelda, hvort sem er hljóðmengun, loftmengun eða efnamengun er nokkuð sem að þarf að róta upp og rannsaka. Framleiðsla og flutningar valda einnig gífurlega neikvæðum áhrifum. Flugeldar eru flestir framleiddir í Kína, við aðstæður sem að ekki teljast til fyrirmyndar út frá heilsu- og siðgæði. 
Í grein á vef Neytendasamtakanna sem birtist fyrir tveim árum síðan er m.a. talað um þetta atriði og að sjálfsögðu um mengunina og ábyrgð innflytjenda. Þar segir m.a.: Púður er auðvitað mikilvægt hráefni í flugeldaframleiðslu en til að flugeldar geti skartað fallegum litum eru notuð ýmis kemísk efni og þungmálmar. Til að fá grænan lit er notað baríum, rauður fæst með strontíum, gulur fæst með því að nota natríum og hinn vandasami blái litur krefst þess að notaður sé kopar sem er varasamur í meðförum.
meira
Guðrún Arndís Tryggvadóttir
29. desember 2008 21:40
Uppruni: Náttúran.is
Einkunn
Viðburðadagatal
| mán | þri | mið | fim | fös | lau | sun |
|---|---|---|---|---|---|---|
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 |
