Náttúran.is

Umhverfisstefna Náttúrunnar

Með vitundarvakningu og þátttöku almennra neytenda er hægt að nota markaðsöflin til þess að leysa mörg af þeim umhverfisverkefnum sem heimurinn stendur frammi fyrir í dag, hvort sem þau eru staðbundin eða hnattræn. Þetta vill Náttúran er ehf. gera með því að vera:

• fréttamiðill og veita neytendum óháðar upplýsingar um vörur og þjónustu sem tengjast náttúrunni, umhverfis-, félagslegum og/eða heilbrigðismálum og sjálfbærri þróun á einn eða annan hátt.
• vettvangur fyrirtækja og stofnana til að koma upplýsingum um vöru og/eða þjónustu, sem tengjast fyrrgreindum málaflokkum, á framfæri við neytendur á hlutlausan og trúverðugan hátt.
• markaðstorg þar sem neytendur geta keypt heilsusamlegar og umhverfisvænar vörur á hagstæðum kjörum.

Náttúran er ehf. leitar stöðugt nýrra leiða til að upplýsa neytendur um umhverfi sitt auk þess að minnka umhverfisáhrif af starfsemi fyrirtækisins og koma í veg fyrir mengun. Náttúran er ehf. á að vera fyrirmynd annarra í umhverfismálum og starfar í samræmi við íslensk lög og reglur.

Einkunn

Kirkjustarf grænkar í Noregi

Orð dagsins 10. desember 2008.

Allt kirkjustarf í Haugesund og Tysvær í Noregi er komin með umhverfisvottun norska Umhverfisvitans. Þetta þýðir að allir söfnuðir á svæðinu uppfylla sérstakar kröfur Umhverfisvitans fyrir söfnuði, en þær snúast m.a. um flokkun úrgangs, orkusparnað, innra eftirlit, innkaup á réttlætismerktum (Fair Trade), lífrænt vottuðum og umhverfismerktum vörum, svo og um umhverfisáherslur í boðskap og fræðslustarfi.
Lesið frétt á heimasíðu Grønn Hverdag í dag
og fræðist um græna söfnuði á kirken.no 

Einkunn

Umhverfisráðuneytið loks með umhverfisstefnu

Á vef umhverfisráðuneytisins var í gær birt frétt um að ráðuneytið hafi sett sér umhverfisstefnu og umhverfisstefnan birt í heild sinni (sjá fréttina) Sú staðreynd að áður hafi sjálft ráðuneyti umhverfismála ekki sett sér stefnu í eigin málaflokki er í sjálfu sér fréttnæmt og líklega fréttnæmt út fyrir landsteinana.

Sjálfsagt er því að nota tækifærið og benda á að á flestum ríkisstofnunum svo sem skólum á lág- og háskólastigi og skrifstofum hins opinbera út um allt land er engri umhhverfisstefnu fylgt enda engin hvati fyrir hendi frá stjórnvöldum til þess. Háskóli Íslands er gott dæmi um raunveruleikann í umhverfisráðstjórn á landinu. Stofnun sem stundar kennslu í umhverfisfræðum hefur enga umhverfisstefnu og stundar t.a.m ekki einu sinni skipulagða endurvinnslu innan skólans.

Annað dæmi er „Vistvæn innkaupastefna ríkisins“ en hún er enn að bisast við að fæðast og hefur verið undirbúin og unnin af umhverfisfræðingum í hjáverkum nú til margra ára. Rétt eins og að nægur tími væri til stefnu en staðreyndin er að landið sem státar af því að vera ákaflega umhverfisvænt því orkan sé unnin með vatnsafli og jarðvarma er í raun ekki bara aftarlega á merinni heldur situr merina varla. 

Hér á vef Náttúrunnar hefur farið fram skipulögð upplýsingastarfsemi bæði um hvernig bera megi sig að við gerð umhverfismarkmiða og grunnhugsun umhverfisvitundar hefur verið matreidd á ný stárlegan og ferskan hátt svo að fólk á öllum aldri, bæði heima við og á vinnustað geti nýtt sér þessar upplýsingar þannig að umhverfismeðvitaðir lifnaðar- og starfshættir verði ríkjandi en ekki vikjandi á Íslandi. Við hvetjum stofnanir og fyrirtæki til að kynna sér hvað felst í umhverfisstjórnun og ráðfæra sig við fagaðila um útfærslur. 

Á grænum síðum og grænu Íslandskorti Náttúrunnar er hægt að sjá hver er að gera hvað í græna átt og m.a.hver sé með opinbera umhverfisstefnu (sjá þá aðila sem hafa opinbera umhverfisstefnu). Umhverfisráðuneytinu hefur nú verður bætt á þann lista og er ráðuneytinu hérmeð óskað til hamingju með framtakið þó seint sé en jafnframt hvatt til hvetja stofnanir á vegum ríkisins til að gera slíkt hið sama.

Einkunn

Áherslur ríkisstjórnarinnar vegna loftslagsþingsins í Balí

Íslensk stjórnvöld leggja höfuðáherslu á að samstaða náist á fundi aðildarríkja loftslagssamnings Sameinuðu þjóðanna í Balí í Indónesíu um gerð ný s samkomulags sem feli í sér skuldbindingar fyrir öll helstu losunarríki heims. Þetta kemur fram í minnisblaði sem ríkisstjórnin samþykkti á fundi í dag að tillögu ráðherrahóps um loftslagsmál sem í sitja Þórunn Sveinbjarnardóttir umhverfisráðherra, Össur Skarphéðinsson iðnaðarráðherra, Árni Mathiesen fjármálaráðherra og Guðlaugur Þór Þórðarson heilbrigðisráðherra.

Losun minnki um 25-40% fyrir 2020

Í Balí hefst samningaferli sem lýkur í Kaupmannahöfn árið 2009 en þar þarf að komast að samkomulagi um annað skuldbiningartímabil samningsins sem hefst þegar Kyoto-bókunin fellur úr gildi áramótin 2012 og 2013.

Samkvæmt stefnu ríkisstjórnarinnar þarf samkomulagið að taka mið af tilmælum vísindanefndar Sameinuðu þjóðanna um loftslagsbreytingar (IPCC) um að koma þurfi í veg fyrir að hlýnun lofthjúps jarðar fari yfir 2°C frá því sem var fyrir upphaf iðnbyltingar. Til að ná því markmiði þarf losun iðnríkjanna í heild að minnka um 25-40% fyrir 2020. Á sama tíma þarf samkomulagið að fela í sér að stærstu losendur í hópi þróunarlanda dragi úr vexti losunar.

Einkunn

Rós í hnappagat Hrunamannahrepps frá NSS

Ályktun frá Náttúruverndarsamtökun Suðurlands lögð fram og samþykkt á stjórnarfundi samtakanna þ. 29.06.2007:

"Náttúruverndarsamtök Suðurlands fagna framsýnni stefnumörkun Hrunamannahrepps um skipulag frístundabyggðar sem fram kemur í meginmarkmiðum í aðalskipulagi sveitarfélagsins 2003-2015. Mikilvægt er að sveitarfélög marki sér skýra stefnu í þessum málum þar sem mikil ásókn er í land undir frístundahúsabyggðir og hætt er við umhverfi, náttúra og ræktunarlönd geti skaðast ef skýr ákvæði um frístundabyggð skortir í aðalskipulagi.
Sveitarstjórn Hrunamannahrepps er því öðrum sveitarfélögum til fyrirmyndar í þessum málum."

Einkunn