Náttúran.is

Hvernig versla ég á Náttúrumarkaðinum?

Náttúrumarkaðurinn er vefverslun með náttúrlegar og vottaðar vörur, og er byggður upp eins og markaður með mörgum deildum. Þú velur deild eða sérverslun „Deildir“ sem þú vilt skoða vöruúrvalið í og getur síðan farið úr einni deild í aðra hvenær sem er þvi deildirnar eru alltaf sýnilegar hér til hægri á síðunni. Þú getur einnig leitað eftir vöru eftir leitarorðum með því að slá orðið inn í leitarvélina hjá Voffa „Leita“ hér til hægri á síðunni eða leitað í „Vöruleit“ flipanum hér til hægri en þar getur þú þrengt leitina eftir framleiðanda merki eða vottun.

Að setja í körfu og fylgjast með kostnaði:

Þegar þú ert búin að tína til vörur í körfuna getur þú alltaf fylgst með hvað er komið í körfuna með því að opna körfuflipann „Karfa“. Ef þú færir bendilinn síðan yfir vöruheitið birtist ljósmynd af vörunni. Þannig getur þú stöðugt fylgst með því hvað þú hefur sett í körfuna.

Þú fylgist með sendingarkostnaði á línunni með bögglinum. Línan táknar eitt kíló, brúni liturinn er þyngd pakkans sem þú hefur þegar tekið til og græni liturinn er sú þyngd sem enn er ónýtt af einu kílói fyrir sama flutningskostnað*.

Þú sérð bæði vöruverðið, VSK-hlutann og sendingarkostnaðinn. Þegar þú verslar á Náttúrumarkaði ert þú alltaf að greiða „allt“ komið heim að dyrum.

Síðan þegar þú hefur ákveðið hvað þú kaupir smellir þú á „Skoða körfu nánar og kaupa“. Ef þú ert sátt/ur við það ferðu á greiðslusíðu.

Að ganga frá greiðslu fyrir böggulinn og heimsendinguna:

Eftir að smellt er á „Fara á greiðslusíðu“ kemur síða þar sem skrá þarf viðtakanda vörunnar og kennitölu þess sem fær reikninginn. Þegar þeirri útfyllingu er lokið er smellt á „Greiða“. Við það getur komið lítill gluggi sem tilkynnir að farið sé á annan vefþjón.

Þá er farið á vef Kortaþjónustunnar ehf. þar sem kortaupplýsingar eru gefnar upp og gengið frá greiðslu. Þú greiðir með greiðslukorti (Visa, Mastercard) og kortanúmerið er aðeins gefið upp gagnvart Kortaþjónustunni ehf. Þú getur einnig valið að greiða með millifærslu í banka. Sjá einnig „Skilmálar“ .

Ef pantað er fyrir kl 12:00 á hádegi berst böggullinn að jafnaði næsta virka dag en ef pantað er eftir kl 12:00 á hádegi berst böggullinn í allflestum tilvikum þarnæsta virka dag**.

*Flutningskostnaður miðast við verðskrá Póstsins (Íslandspósts) en sendingar innanlands eru jafnaðar milli landshluta á Náttúrumarkaði svo allir sitji við sama borð.

**Þ.e. ef böggullinn á að berast til móttakanda innanlands.

Einkunn

Náttúrugjafir

Hér á Náttúrumarkaðinum getur þú keypt gjafir og við sendum þær hvert á land sem er. Þú fyllir einfaldlega út nafn og heimilisfang þess sem á að fá gjöfina sem viðtakanda og málið er afgreitt. Ef þú óskar eftir því að viðkomandi fái sendan netpóst um að gjöf sé á leiðinni eða þú vilt að gjöfin verði send af stað á ákveðnum degi sjáum við að sjálfsögðu um það líka, óskir þú þess.

Náttúrugjafir geta t.d. verið sanngirnisvottaðar,al-íslenskar,umhverfisvottaðar og/eða lífrænar. Þú getur einnig leitað að vöru með því að slá inn leitarorð í leitarreitinn hér efst á síðunni eða farið beint inn deilidir Náttúrumarkaðsins.

Hér eru leiðbeiningar um hvernig þú verslar á Náttúrumarkaði. Ef þú vilt fá aðstoð við valið eða hefur einhverjar spurningar þá sendu okkur einfaldlega línu á nature@nature.is eða hringdu í síma 483 1500.

Gjöf frá Náttúrunni:
Náttúruspil - 52 góð ráð fyrir þig og umhverfið fylgja sem gjöf ef um jólagjöf er að ræða ef óskað er. Sendu ósk um að fá Náttúruspil á nature@nature.is.

Einkunn

Skilmálar og skilareglur

Afhending vöru
Allar vörur eru afgreiddar næsta virka dag eftir pöntun, sé pantað fyrir kl. 12:00 á hádegi ellegar næsta virka dag á eftir. Sé varan ekki til á lager mun þjónustufulltrúi hafa samband og tilkynna um áætlaðan afhendingartíma vörunnar. Öllum pöntunum er dreift af Íslandspósti og gilda afhendingar-, ábyrgðar og flutningsskilmálar Íslandspósts um afhendingu vörunnar. Náttúran er ehf. ber samkvæmt þessu enga ábyrgð á tjóni sem kann að verða á vöru í flutningi.

Gæðaeftirlit
Náttúran er ehf. kappkostar að hafa einungis gæðavörur til sölu í netverslun sinni. Því er þess óskað að kaupandi geri okkur viðvart ef hann hefur athugasemdir um vöruna eða skráningu hennar, jafnvel þótt hún uppfylli ekki skilyrði þess að vera skilað og endurgreidd.

Verð
Vinsamlegast athugið að verð á netinu getur breyst án fyrirvara, þó ekki eftir að varan hefur verið sett í körfu.

Skattar og gjöld
Öll verð í netversluninni eru með VSK og reikningar eru gefnir út með VSK. Reikningar eru sendir út í Pdf-útgáfu með tölvupósti.

Trúnaður
Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum.

Skilareglur:

Ferskvörur
Ferskvörum fæst ekki skilað nema ljóst sé að þær hafi verið sendar skemmdar eða gallaðar frá Náttúran er ehf. Í þeim tilvikum þarf að láta vita svo fljótt sem auðið er.

Aðrar vörur en ferskvörur
Ef þú ert af einhverjum ástæðum ekki ánægð(ur) með vörur sem þú hefur keypt í netverslun okkar, getur þú skilað þeim innan 14 daga til móttöku okkar og fengið þær endurgreiddar innan 45 daga. Til að hægt sé að skila vöru þarf hún að vera í upprunalegum umbúðum og ef varan er innsigluð þá má innsiglið ekki vera rofið. Óskir þú eftir því að skila vöru, biðjum við þig vinsamlegast að geyma bæði kvittun fyrir vörukaupunum og umbúðirnar sjálfar og hafa samband í síma 480 1500 eða með tölvupósti til nature@nature.is

Ef þú hefur fengið senda ranga eða gallaða vöru, vinsamlegast hafðu þá strax samband í síma +354 483 1500 eða með netpósti á netfangið nature@nature.is og við endurgreiðum þér að sjálfsögðu allan útlagðan kostnað.

Einkunn

Náttúran.is vísar veginn að umhverfisvottuðum vörum

Í kvöldfréttum Ríkissjónvarpsins í kvöld voru tekin fyrir hættuleg og tilbúin efni í neysluvörurm. Rætt var við Brynhildi Pétursdóttur ritstjóra Neytendablaðsins sem lýsti vel stöðu mála og sagði að hreinlætis- og snyrtivörur innihaldi oftar en ekki efni sem eru ekki einungis umhverfisskaðvaldar heldur hreint og beint hættulegir heilsu fólks.

Farið var í vettvangskönnun í eina verslun og skoðuð ein vörutegund, bossaþurrkur fyrir ungabörn, en útkoman úr þeirri könnun var sú að óæskileg efni voru í langflestum þurrkunum. Aðeins tvær tegundir voru lausar við skaðvaldana, báðar Svansmerktar vörur.

Niðurstaðan er að eina leiðin tll að sneiða hjá því að kaupa vörur með skaðlegum efnum væri að velja vörur með viðurkenndum umhverfismerkingum s.s. Evrópublóminu eða Svaninum. Sjá nánar um Svaninn og takið eftir tenglunum með ítarefni t.h. við greinina.Evrópublómið er ekki eins útbreytt merki hér á landi og merkt aðeins örfám vörum.

Eitt meginmarkmið vefsins Náttúrunnar er einmitt að upplýsa fólk um hvaða fyrirtæki virði umhverfis- og heilsuviðmið, framleiði og selji umhverfisvottaðar vörur og vörur með viðurkenndum umhverfismerkjum eins og norræna umhverfismerkinu Svaninum. Sjá Grænar síður þar sem Svansvottaðir aðilar á Íslandi og listi yfir Svansmerktar vörur á Náttúrumarkaði er að finna.

Nánar um löggjöfina:

Einkunn