Náttúran.is

Bláfáninn á Íslandi 10 ára í ár

Í ár eru tíu ár liðin frá því að Landvernd innleiddi Bláfánaverkefnið á Íslandi. Verkefnið felst í því að veita rekstraraðilum smábátahafna og baðstranda viðurkenningu fyrir vistvæna starfshætti og þjónustu sem stuðlar að verndun umhverfisins við sjóinn. Um er að ræða viðurkenningu í formi fána sem ætlað er að vekja verðskuldaða athygli á því að handhafinn uppfylli kröfur Bláfánans og beri þannig hag almennings og umhverfis fyrir brjósti í umgengni sinni við sjóinn. Fyrstu handhafar Bláfánans á Íslandi voru Stykkishólmshöfn og Hafnarhólmahöfn á Borgarfirði eystri , ásamt Bláa lóninu og Ylströndinni í Nauthólsvík. Alls hafa sex rekstraraðilar smábátahafna og baðstranda tekið þátt í verkefninu, auk hvalaskoðunarfyrirtækjanna Eldingar, Norðursiglingar og Sérferða.
Sjá alla aðilana hér á Græna kortinu undir Strendur og smábátahafnir. 
Sjá aðila með Bláfánann hér á Grænum síðum undir Vottun/Bláfáninn og aðila með Bláfánaveifuna undir Vottun/Bláfánaveifa hér.

Verkefnið á rætur að rekja til hóps áhugamanna í Frakklandi sem sá ástæðu til að bæta umgengni sjófarenda, rekstraraðila og baðgesta við sjóinn í byrjun 9. áratugarins. Skömmu síðar tók síðan Foundation for Environmental Education (FEE) þetta góða verkefni upp á arma sína og er nú svo komið að 3650 staðir í 46 löndum flagga fánanum. Þess má geta að FEE rekur einnig Grænfánaverkefnið.

Bláfáninn er útbreiddasta viðurkenning sinnar tegundar í heiminum og Landvernd því mikið í mun að efla verkefnið hér. Umsóknarfrestur fyrir starfsárið 2012 til 25. febrúar nk.

Umsóknir um Bláfánann 2012: 
Umsókn um Bláfánann fyrir smábátahafnir.
Umsókn um Bláfánann fyrir baðstrendur.

Ljósmynd: Bláfáni Ylstrandarinnar í Nauthólsvík árið 2010, Guðrún A. Tryggvadóttir.

Einkunn

Ályktun frá stjórn Landverndar

Landvernd hvetur Alþingi til að samþykkja eins fljótt og auðið er frumvarp 59/140 um breytingu á lögum um upplýsingarétt um umhverfismál sem kveður á um skyldu stjórnvalda til að eiga frumkvæði að upplýsingagjöf vegna mengunar.

Á skömmum tíma hafa komið upp tvö alvarleg dæmi um að stofnanir hafi ekki upplýst almenning um mengun í þeirra nánasta umhverfi. Annars vegar er um að ræða viðbrögð Umhverfisstofnunar við díoxínmengun frá sorpbrennslustöðvum og hins vegar viðbrögð Matvælastofnunar við dreifingu kadmíummengaðs áburðar.

Mikilvægt er að á stjórnvöldum hvíli skylda til að veita almenningi upplýsingar um mengun og mengunarhættu sem getur hugsanlega haft áhrif á líf og heilsu fólks.

Auk þess hvetur Landvernd til þess að tillaga stjórnlagaráðs um upplýsingaskyldu um umhverfi verði færð í stjórnarskrá. Í 35 gr. tillagnanna segir meðal annars: ,,Stjórnvöldum ber að upplýsa um ástand umhverfis og náttúru og áhrif framkvæmda þar á. Stjórnvöld og aðrir skulu upplýsa um aðsteðjandi náttúruvá, svo sem umhverfismengun.“ Sjá nánar á vef Alþingis:     
„Upplýsingaréttur um umhverfismál (frumkvæðisskylda stjórnvalda) - 59. mál lagafrumvarp 140. löggjafarþingi.  “

Einkunn

Tökum höndum saman og stundum vistvæn innkaup!

Vistvæn innkaup snúast um að velja þá vöru sem er síður skaðleg umhverfinu og heilsu manna samanborið við aðrar vörur sem uppfylla sömu þörf og samtímis bera sama eða lægri líftímakostnað.

Til þess að auðvelda innkaup á vörum og þjónustu sem eru síður skaðleg umhverfi og heilsu hefur Náttúran.is tekið saman 11 viðmið sem spanna veigamestu þættina. Viðmiðin eru einföld og hjálpa til að nálgast markmiðið, það er að velja bestu vöruna út frá sjónarmiði heilsu, umhverfis og jafnvel félagslegum aðstæðum sem í daglegu tali eru nefnd sjálfbær þróun.

Hér í láréttu röðinni sérð þú táknmyndir fyrir viðmiðin og í lóðrettu röðinni táknmyndir ýmissa vörutegunda. Ef þú opnar flipann „Viðmið“ hér til hægri á síðunni og smellir á þessi tákn getur þú lesið þig til um hvert viðmið og vörutegund fyrir sig auk þess sem að auðvelt er að sjá hvaða viðmið eiga við hverja vörutegund þar sem viðeigandi viðmið eru sýnileg í láréttu línunni út frá vörunni.
Viðmiðin eru: Orka, eldsneyti, vatnsnotkun, ofnæmi, hættuleg efni / tilbúin efni, þungmálmar, öryggisblað, umhverfismerkingar, sanngirnisvottun, vinnuumhverfi og endurvinnsla.

Eitt eða fleiri af þessum viðmiðum eiga að meira eða minna leiti við um hverja einustu vöru. Um leið og við gerum okkur grein fyrir því eftir hverju þarf að leita til að velja vistvænstu vöruna verða vistvæn innkaup leikur einn.

En eins og með allt annað þá skapar æfingin meistarann. Jörðin okkar þolir ekki lengur þá rányrkju og vanvirðingu sem henni er sýnd í dag.

Tökum höndum saman og stundum vistvæn innkaup!

Einkunn

Vöruleit Náttúrunnar

Vörurleitin á Náttúrumarkaði gefur þér kost á að þrengja leitina til að finna vörur sem uppfylla þær kröfur sem þú gerir til framleiðanda, merkingar eða viðurkenndrar vottunar. Sjá hér til hægri undir Vöruleit á Náttúrumarkaði. Vöruleitin nýtist vel til vistvænna innkaupa opinberra aðila jafnt sem fjölskyldunnar.

Allar vörur sem skráðar eru á Náttúrumarkað koma upp í Vöruleit, hvort sem þær eru til sölu eða einungis skráðar til kynningar. Hver sem er getur óskað eftir skráningu á vöruframboði sínu á Náttúrumarkað og þannig tekið þátt í því að bjóða kaupendum upp á að bera saman breitt úrval af vörum út frá vistvænum sjónarmiðum. Sjá nánar um verð á skráningum hér að neðan.

Auk þess tengjast vörurnar ítarefni um innihaldsefni, umhverfisviðmið, endurvinnsluleiðir auk þess að tengjast fréttum um viðkomandi vöru, framleiðanda og aðra tengda aðila.

F - kubbur fyrir vörur á Náttúrumarkaði - vöruskráningu fylgir auglýsingabirting í slembivali

Verð á 12 mánaða skráningu vöru á Náttúrumarkað:

1 - 3 vörur - skráning á vöru (til sölu) 4.900*. Á vöru til kynningar (ekki til sölu) 9.800*
4 - 10 vörur - skráning á vöru (til sölu) 3.920*. Á vöru til kynningar (ekki til sölu) 6.840*
11 vörur eða fl. - skráning á vöru (til sölu) 3.330*. Á vöru til kynningar (ekki til sölu) 6.600*

*Öll verð í íslenskum krónum, án vsk. 50% afsláttur er af framlengingu skráningar eftir fyrsta árið.

Einkunn

ISO 14001

ISO 14001 umhverfisstjórnunarstaðallinn er til að hjálpa fyrirtækjum til þess að draga úr neikvæðum umhverfisáhrifum sínum, uppfylla gildandi umhverfisreglugerðir, starfsleyfisákvæði og þar fram eftir götunum.

ISO 14001 leggur áherslu á það hvernig varan er framleidd en ekki vöruna sjálfa. Vottun umhverfisstjórnunarkerfisins er framkvæmd af hlutlausum þriðja aðila.

Sjá hér á Grænum síðum þá aðila sem hafa ISO 14001 vottun á Íslandi.

Einkunn