Hvers vegna er mikilvægt að við virkjum náttúruvitund barna?

• Í dag eru börnum veitt færri tækifæri til að vera úti náttúrunni.
• Lítil snerting við náttúruna hefur neikvæð áhrif á þroskun barnsins og dregur úr þekkingu þess.
• Börn sem vaxa upp án nokkurra tengsla við náttúruna fara á mis við þá ánægjulegu og þroskandi reynslu sem hún getur verið.
• Án þessara tengsla eru minnkandi líkur á því að þau virði náttúruna í framtíðinni sem hlýtur að hafa áhrif á hvernig þau taka ákvarðanir um nýtingu hennar og verndun á fullorðinsárum.
• Börn eiga rétt á því að fá að upplifa náttúruna, kanna hana, kynnast henni og uppgötva töfra hennar frá fyrstu árum.
• Þekking á eigin umhverfi og menningu er forsenda þess að við skiljum og virðum menningu annarra.
• Náttúrukennsla skapar skilning á sambandi okkar við umhverfið og náttúruna, kennir börnum að virða hana og vera ábyrgðarfull gagnvart henni. Víkkar sjóndeildahring þeirra og örvar hugmyndaflug.

Mikilvægt er-

• Að hvetja börn til að taka þátt í umhverfisvænum verkefnum og leikjum.
• Að hvetja börn til að vera meira meðvituð um umhverfi sitt og náttúruna.
• Að nálgast börnin frá þeirra sjónarhorni.
• Að hvetja börn að nota öll skilningarvitin til að upplifa náttúruna, hlusta, horfa, snerta og finna fyrir náttúrunni.
• Að nýta sér forvitni og orku barna til að taka þátt í nýjum spennandi verkefnum.
• Fyrir framtíð barnanna, framtíð menningarinnar og framtíð lífsins.

Markmið okkar með barna og fjölskyldu efninu hér á vefnum er að hvetja foreldra að virkja börn sín og fjölskylduna og skapa persónuleg tengsl við náttúrunna og umhverfið sem við búum í. Við hvetjum foreldrana til að fræða börn sín um náttúruna, mikilvægi hennar, ábyrgð okkar gagnvart henni og mikilvægi þess að læra að nýta hana en vernda hana á sama tíma.

Að fræðast um náttúruna getur verið skemmtileg fjölskyldu samvinna og börnin geta tekið að sér ýmis verkefni sem fræða þau, auka ábyrgðartilfinningu þeirra og gera þeim kleift að kynnast náttúrunni á frekari persónulegum nótum.
Fjölskyldu samvinnan getur þjappað fjölskyldunni enn frekar saman og gerir foreldrum kleift að taka þátt í skemmtilegum verkefnum með börnum sínum, aukið hugmyndaflæði þeirra og sín með fjölbreyttum einföldum fræðslu verkefnum.

Foreldrar hvetjið börnin ykkar til að kynnast náttúrunni og því sem hún hefur að bjóða!

Börn hvetjið foreldra ykkar í að virða náttúruna og umhverfi sitt t.d. í lifnaðarháttum!

Setjist niður í hring, einhversstaðar úti í náttúrunni, hvort sem það er úti í garði, útí skógi eða útá engi. Það eina sem þarf er ferskt loft og fjölskylduna.

Lokið augunum og segið svo hvort öðru frá því í hverju þið heyrið, hvað þið getið ímyndað ykkur það sé, hvernig litir eru í kringum ykkur. Þið getið t.d. búið hvert og eitt til litla sögu þar sem hver og einn býr sér til nýtt umhverfi og segir frá því hvað er þar, hvað gerist þar, hvernig veðrir er þar og svo framvegis.

Einnig er hægt að fara í svona ímyndunar leik heima í stofu. Ímyndið ykkur saman að þið séuð einhverstaðar úti í náttúrunni og segið frá því hvað þið sjáið þar.