Náttúran.is

Náttúruganga

Á Græna kortinu er hægt að fá upplýsingar um náttúrugöngu.

Skilgreiningin sem við flokkum eftir er eftirfarandi:
Félög eða fyrirtæki sem sérhæfa sig í skipulögðum gönguferðum um náttúru Íslands.

Sjá nánar um náttúrugöngu hér á Græna kortinu undir flokknum „Náttúruganga".

Grafík: Myndtákn Green Map® System flokksins „Náttúruganga“.

Einkunn

Varið verður 42 milljónum til brýnna framkvæmda á friðlýstum svæðum nú í vor

Ríkisstjórn Íslands hefur samþykkt tillögu Svandísar Svavarsdóttur, umhverfisráðherra, um að veita 41,9 m kr. til brýnna framkvæmda nú í vor og sumar á friðlýstum svæðum sem jafnframt eru vinsælir viðkomustaðir ferðamanna.

Á síðastliðnu ári urðu miklar umræður um hnignandi ástand fjölmargra fjölsóttra ferðamannastaða. Umhverfisráðuneytið óskaði þá eftir sérstakri úttekt á þeim svæðum sem Umhverfisstofnun taldi að verst stæðu og þar sem brýnt væri að bregðast við með aðgerðum. Í skýrslu Umhverfisstofnunar er ástandi svæðanna lýst ásamt brýnustu aðgerðum til að viðhalda verndargildi þeirra og tryggja öryggi ferðamanna sem á svæðin koma. Í ljósi stóraukningar í fjölda ferðamanna var ákveðið að ráðast strax í aðgerðir á árinu 2011 til að sinna brýnustu verkefnum á rauðlistuðum svæðum. Fyrir fjárveitingu ríkisstjórnarinnar á þessu ári verður unnið að verkefnum við Gullfoss, Geysi í Haukadal, friðlandið í Dyrhólaey, Friðland að Fjallabaki, náttúruvættið á Hveravöllum og náttúruvættið í Surtarbrandsgili.

Ráðuneytið leggur höfuðáherslu á aðgerðir sem tryggja verndargildi og öryggi, en helstu verkefni sem unnið verður að á næstu mánuðum eru göngustígar, stikun gönguleiða, útsýnispallar, öryggisgirðingar, merkingar, fræðsluskilti, viðvörunarskilti, gróðurbætur og eftirlit. Framkvæmdirnar eru brýnni en ella vegna þess að spár gera ráð fyrir metfjölda ferðamanna á þessu ári, sem eykur álag á viðkomandi svæði og undirstrikar nauðsyn þess að búa vel að öryggi ferðamanna og tryggja góða aðkomu á vinsæl svæði.

Kannanir sýna að mikill meirihluti ferðamanna nefnir náttúru Íslands sem helstu ástæðu fyrir heimsókn sinni til landsins. Til að byggja Ísland upp sem áfangastað ferðamanna þarf að tryggja að náttúra landsins, helsta auðlindin sem ferðaþjónustan byggir á, glati ekki verndargildi sínu og aðdráttarafli. Það þarf að útbúa náttúruverndarsvæðin þannig að þau geti tekið við aukinni umferð ferðamanna og skapað atvinnutækifæri og tekjur á landsbyggðinni.

Ljósmynd: Frá Skaftafelli, ljósm. Árni Tryggvason.

Einkunn

Farfuglar bjóða þér í gönguferð í Valaból í dag

Í tilefni af Grænum apríl bjóða Farfuglar öllum áhugasömum upp á gönguferð í Valaból í Hafnarfirði í dag þ. 28. apríl.

Lagt verður af stað frá bílaplani rétt fyrir ofan Kaldársel kl. 18:00 og reiknað er með að gangan taki um 2 tíma. Göngufólk taki með sér hlýjan og skjólgóðan fatnað en Farfuglar bjóða upp á heitt kakó og kruðerí þegar áð verður við Músarhelli.

Farfuglar reka 12 farfuglaheimili víðs vegar um landið, þar af tvö í Reykjavík. Sjá öll farfuglaheimiin hér á Grænum síðum í flokknum Þjónusta::Ferðaþjónusta::Farfuglaheimil sem og á Græna Íslandskortinu í flokknum Umhverfisvæn ferðaþjónusta.

Einkunn

Gönguferðir

Að ganga er ein besta og ódýrasta líkamsrækt sem völ er á. Hún er ekki bundin við sérstakan stað né tíma svo þú ert alveg frjáls í að þjálfa þig þegar þú vilt. Hún er líka tilvalin til að fá sér ferskt loft. Ganga styrkir líkamann og getur spornað við ýmsum æðasjúkdómum og bætt andlega líðan. Með góða skó á fótum ertu tilbúin í gönguferðina. Gönguleiðum og stígum í kringum bæi og borgir hefur fjölgað til muna á síðustu árum, athugaðu gönguleiðir í þínu nágrenni.

Einkunn

Gengið á Græna treflinum - Heiðmörk

Einkunn