Á fyrstu taubeiumarkað ársins, laugardaginn 20. febrúar, munu samkeppnisaðilar í sölu taubleia taka höndum saman til að kynna fyrir foreldrum umhverfisvænni og hagkvæmari leið í bleiuinnkaupum. Á einum stað verður hægt að kynna sér landsins mesta úrval af taubleium, kaupa þær og fá leiðbeiningar um notkun.

Með notkun taubleia er hægt að spara heimilum töluverð útgjöld og því hafa taubleiur notið aukinna vinsælda hér á landi undanfarið. Að auki er taubleiunotkun jákvæðari fyrir umhverfið en einnota bleiur, en hvert barn notar að meðaltali um 6.000 einnota bréffbleiur og talið er að hver bleia taki um 500 ár að eyðast í náttúrunni.

Það eru netverslanirnar Barnavörur, ISbambus, Mandarína, ISbambus, Kindaknús, Krútt, Montrassar, Snilldarbörn, og Tamezonline sem standa að taubleiumarkaðnum, en
netverslanirnar eru allar starfræktar af framtakssömum mæðrum.

Taubleiumarkaðurinn verður haldinn í Manni lifandi við Borgartún (neðri hæð) þann 20. febrúar frá kl. 12:00-16:00, þar sem einnig verða í boði ýmis tilboð á vörum fyrir verðandi mæður og ungabörn.

Nú er hart í ári fyrir smáfuglana okkar, víða djúpt að kroppa í gegnum snjóinn. Það er því mikilvægt að við hugsum til okkar litlu vina og gefum þeim lítið eitt af borði okkar, það munar um það. Það er auðvitað hægt að fara út í búð og kaupa poka af fuglafóðri en við gömlum eplum, ögn af fitu eða öðrum matarafgöngum verður varla fúlsað. Varast ber þó að gefa þeim haframjöl því það getur bólgnað upp í maga þeirra.

Fuglaverndarfélag Íslands gefur eftirtalin ráð: „Í kuldum og frosthörkum þurfa fuglarnir mikla orku til að halda á sér hita og því er fita ein besta fæðan handa þeim. Margir gefa fuglum fitu sem fellur til á heimilum eins og tólg, kjötsag, flot og mör, en þessi fæða er mjög vinsæl hjá mörgum fuglum. Kjötsag er hægt að fá í kjötvinnslum og þeim kjötbúðum eða kjötborðum, þar sem kjöt er sagað. Samkeppni er þó töluverð um sagið, t.d. við hundaeigendur. Mör er hægt að kaupa á haustin, þegar slátur er selt og stundum í kjötvinnslum fram eftir vetri. Aðra kjötafganga er líka hægt að brúka. Á jólum er tilvalið að færa fuglum hangiflotið. Ýmsir blanda fitu, t.d. tólg, smjörlíki eða matarolíu, saman við aðra fæðu, eins og brauð og jafnvel korn. Slík fæða heldur oft í lífi í fuglum, sem hafa hrakist hingað um haustið og reyna að þreyja þorrann og góuna. Nefna má hettusöngvara, glóbrysting og ýmsar finkur sem dæmi um þess háttar hrakningsfugla.“

Engill er æðri vera, verndarengill. Hann er boðberi Krists og alls hins góða sem í okkur býr.

Grafík: Engill, Guðrún Tryggvadóttir ©Náttúran.is.

Jólasveinninn er persónugervingur hins góða og ekki fjarri ímyndinni um Guð. Hann er gamall maður með skegg. Hann veitir okkur hlýju og uppfyllir óskir okkar. Rauði liturinn er merki um hlýjuna og skeggið gefur til kynna að hann búi yfir visku.

Hann kemur aðeins nokkra daga á ári, gefur, og minnir á að fylgst er með okkur. Jólasveinninn er goðsögn sem enn lifir í hjörtum manna. Við viljum trúa að hann sé til og hjálpum börnum okkar að viðhalda þeirri trú.

Þríhyrningslaga skotthúfan táknar tengingu jólasveinsins við almættið. Skúfurinn vísar upp og stendur fyrir uppljómunina. Húfur, kollar og túrbanir hafa svipaða merkingu í hinum ýmsu trúarbrögðum.

Grafík: Jólasveinninn. Guðrún Tryggvadóttir ©Náttúran.is.

Kertaljósið er í hefðbundnu jólahaldi okkar jólaljósið sjálft. Ljósið býr yfir djúpstæðri merkingu um jólaboðskapinn. Það býr yfir frumkraftinum; eldinum sem er táknrænn fyrir lífið sjálft, einkum hið innra líf. Það er ljósið innra með okkur; trúin, vonin og kærleikurinn.

Grafík: Kerti, Guðrún Tryggvadóttir ©Náttúran.is.