Náttúran.is

Carbon Recycling kynning í Sesseljuhúsi

Andri Ottesen framkvæmdastjóri Carbon Recycling International* mun halda fræðsluerindi í Sesseljuhúsi , Sólheimum, laugardaginn 17. júlí kl 13:00. Þar mun hann fjallar um vistvæna tækni og vistvænar áherslur í atvinnuuppbyggingu. 

Hann mun fjalla um endurnýtingu á CO2 útblæstri frá iðnaðarframleiðslu til eldsneytisframleiðslu (metanól sem er blandað í bensín til lækkunar á CO2 útblæstri frá umferð). Einnig fjallar hann um uppbyggingu iðnaðargarða sem vistvæn stóriðja.

Allir eru velkomnir og aðgangur er ókeypis.

*Carbon Recycling International ehf er nýsköpunarfyrirtæki sem hefur þróað tækni til framleiðslu á metanóli úr koltvíoxíði en frumgerð vélar sem getur breytt útblæstri í orku „metanól“ sem getur knúið bifreiðar er fullbúin. Fyrirhugað er að reisa stöð á Svartsengi, nærri orkuveri HS Orku. Vísindamenn Carbon Recycling hafa fengið einkaleyfi á Íslandi á aðferðinni sem hefur vakið mikla athygli enda myndi slík framleiðsla leysa hluta af vandamáli kolefnislosunar frá orkuverum og þannig gera þau loftslagsvænni.

Sjá Carbon Recycling hér á Grænum síðum.

Einkunn

Kátt í Kjós

Laugardaginn 17.  júlí næstkomandi verður Kjósin opnuð fyrir gestum og gangandi undir kjörorðinu Kátt í Kjós og er þetta í fjórða  sinn sem efnt er til slíkrar hátíðar í sveitarfélaginu.  Á undanförnum árum hafa mörg þúsund manns heimsótt Kjósina heim á þennan „Kjósardag“, sem vakið hefur verðskuldaða athygli og tekist með miklum ágætum.

Með hátíðinni Kátt í Kjós vilja Kjósverjar gefa öllum þeim sem áhuga hafa tækifæri á að koma í heimsókn í sveitarfélagið til þess að skoða sveitina og það sem falleg náttúran og íbúar sveitarfélagsins hafa uppá að bjóða.  Markmið með hátíðinni er meðal annars að vekja athygli á þeirri atvinnustarfsemi sem fram fer í Kjósinni og þeim miklu tækifærum sem þar felast. Margir Kjósverjar eru  tilbúnir að opna býlin sín og bjóða gestum heim og kynna starfsemi sína og starfsvettvang.

Kjósin er austan og sunnan Hvalfjarðar. Hreppamörk Kjósarhrepps og Hvalfjarðar­ sveitar liggja um Botnsá, Hvalvatn og Botnssúlur. Að austan liggja mörkin á móti Þingvallasveit um Botnssúlur; Sýsluhólma í Laxá ofan Þórufoss og Esju. Mörkin á móti Kjalarnesi liggja um Esju, Kerlingargil og Kiðafellsá.Kjósin er um 300 ferkílómetrar að stærð. Landbúnaður er aðalatvinnugreinin í hreppn­ um. Um 600 sumarhús eru í Kjósarhreppi og íbúðarhúsum fjölgar ört og er sótt vinna frá þeim mörgum hverjum utan sveitar.

Sveitamarkaður í Félagsgarði

Í Félagsgarði, félagsheimili Ungmennafélagsins Drengs, er sveitamarkaður og kynning á ýmsum framleiðsluvörum. Meðal þess sem er í boði er prjónavara, handverk, list­ munir, sultur og margt fleira. Matarbúrið á Hálsi, Sogn og Bangsi á Heiðabæ verða með vörur sínar á boðstólum og Kvenfélag Kjósarhrepps er með veitingasölu. Sérstakt borð verður þar sem börn geta komið og selt leikföngin sín.
Á útisvæðinu verða hestar frá Þorláksstöðum, heimaln­ingar, geitur, hvolpar og ýmis­legt annað.
Í sölubásum er ekki tekið við kortum en hægt verður að taka út reiðufé á staðnum.
Opið frá kl. 12:00-17:00. s: 899 7052, oddviti@kjos.is.

Sjá allt sem um er að vera á Kátt í Kjós hér að neðan:

Einkunn

Miðaldadagar í Gásakaupstað

Líf og starf fólks í Gásakaupstað miðalda er endurvakið á Miðaldadögum 17. - 20. júlí. Kynnist vígfimum Sturlungum og vígamönnum í för erlendra kaupmanna. Kaupstaðurinn iðar af lífi og starfi miðaldafólks með  fjölbreyttustu viðfangsefni.  Iðnaðarmenn með brennisteinshreinsun, tré- og járnsmíðar, útskurð, leirgerð og viðgerðir á nytjahlutum. Bogar og örvar eru smíðaðir. Knattleikur er iðkaður af miklu kappi. Gestir kynnast vígfimum Sturlungum og vígamönnum í för erlendra kaupmanna og er fátt eitt upptalið.

Dagskrárdrög Miðaldadaga:

Laugardaginn 17. og sunnudaginn 18. júlí er opið frá kl. 11:00 – 17:00.

11:00 – 17:00 Innlendir og erlendir kaupmenn og handverksmenn að störfum. Hægt er að taka þátt í ýmsu s.s. bogfimi, knattleik, steinakasti í „Örlygsstaðabardaga” , slöngvuvaðsfimi.
12:30 og 15:30  Leiðsögn um fornleifasvæðið.  Gengið er frá tröppum stutt frá miðasölu. Leiðsögumenn frá Lifandi leiðsögn fræða ykkur.
12:00 – 17:00 Knattleikur.
15:00 Barist á Gásum.
12:00 – 14:00 Getur þú skotið af miðaldaboga?
13:00 – 15:00 Getur þú skotið með miðaldaslöngvuvað?
11:00 – 17:00 Eldsmiður að störfum.
13:00 og 15:00 Hvernig var bókfell gert.
12:00 og 15:30 Leikþættir úr sögu Gásakaupstaðar.
12:00 – 15:30 Kjörsúpa og brauð að miðaldasið.

Dagskráin mánudaginn 20. og þriðjudaginn 21. er svipuð og um helgina en opnunartíminn er styttri. Ofantalin upptalning er í raun aðeins hluti af því sem fer fram.

Sjá Gásakaupstað hér á Grænum síðum.

Sjá nánar á www.gasir.is.

Ljósmynd: Frá Miðaldahátíðinni að Gásum 2009, Guðrún Tryggvadóttir.

Einkunn

Sveita- og bændamarkaðir í sumar

Úrval bændamarkaða á Íslandi eykst frá ári til árs enda áhugi aukist mikið á heimaræktuðu og framleiðslu beint frá býli nú á síðustu og „verstu“ eða að sumra mati „bestu“ tímum.

Náttúran hefur lagt mikið upp úr því að veita nákvæmar upplýsingar um það sem í boði er á þessu sviði á landinu öllu en við fjöllum bæði um einstaka markaði og skráum þá á Grænar síður og á Grænt Íslandskort til þess að auðvelda fólki að finna markaðina út um allt land.

Garðyrkjustöðin Engi í Laugarási starfrækir markað með lífrænt ræktuðu grænmeti og búsafurðum í sumar. Opið um helgar frá 4. júlí til 18. ágúst frá kl. 12:00 til 18:00. Á boðstólum er fjölbreytt úrval af lífrænt ræktuðu grænmeti, kryddjurtum, lífrænum ís frá Bíóbúi o.fl. Kryddjurtagarður og ávaxtatré eru til sýnis og þúsund fermetra völundarhús úr trjágróðri og landnámshænum.

Sveitamarkaður í Eyjafjarðasveit er nú haldinn fimmta sumarið í röð á torgi gömlu garðyrkjustöðvarinnar við Hrafnagil. Á markaðinum er boðið upp á brauð og kökur, sultur, saft, handverk, blóm og jurtir o.fl. Markaðurinn er opinn á sunnudögum frá 11. júlí tl 15. ágúst frá kl. 11:00 - 17:00.

Aðrir markaðir eru; Bændamarkaðurinn á Flúðum, Sveitamarkaðurinn á Hvolsvelli, Heimamarkaðsbúðin í Höfn í Hornafirði, Gónhóll á Eyrarbakka, Sveitamarkaðurinn við Laxá í Leirársveit,Grettisból á Laugarbakka,  Bændamarkaðurinn Dalsseli í Mosfellsdal og Bændur í bænum sem staðsett er í Árbænum í Reykjavík.

Sjá Bændamarkaði á Græna Íslandskortinu.

Grænkortaskilgreining fyrir Bændamarkaði er:
„Markaður með staðbundnar og lífrænt ræktaðar vörur. Geta verið með óhefðbundnari framleiðslu úr sveit eins og blóm, handverk, bakaðan mat, vín, ull eða jafnvel matreiðslubækur að hætti svæðisins. Bændamörkuðum og minni sveitabæjum er haldið á floti og sveitin helst græn, auk þess sem maturinn þarf ekki að ferðast langt og er því ferskur og góður. Þú getur upplifað árstíðaskiptin með hverri nýrri uppskeru á markaðnum. Það myndast oft vingjarnleg stemmning á þessum mörkuðum.“

Ef einhver lumar á upplýsingum um fleiri sveitamarkaði og bændamarkaði þá látið okkur vita á nature@nature.is.
Ljósmynd: Vínberjasafi á boðstólum á sveitamarkaðinum í Dalseli, Guðrún Tryggvadóttir.

Einkunn

Lýðveldisdagurinn - 17. júní

17. júní á sér eðlilega ekki langa sögu. Þó er það ekki seinna en 1886, að sá ágæti framkvæmdamaður, Þorlákur Johnson, heldur samsæti í húsi sínu “ásamt nokkrum frjálslyndum og fjörugum mönnum” í minningu Jóns Sigurðssonar. Reyndar var svo látið heita, að það hóf væri haldið í nafni Góðtemplarareglunnar.

Þetta mun þó hafa verið heldur frjálst framtak hjá Þorláki og ekki er vitað til að þetta hafi orðið neinn dagur þjóðarinnar fyrr en 1911, þegar stytta Jóns er afhjúpuð á Austurvelli og blómsveigur lagður á leiði hans í fyrsta sinn. Eftir það tóku íþróttamenn upp á því að heiðra minningu Jóns með frjálsíþróttakeppni þennan dag, og var mótið í Reykjavík einhver eftirminnilegastur viðburður þann dag, þar til lýðveldið var stofnað á Þingvöllum árið 1944.

Einkunn