Náttúran.is

Umhverfisvænt jólaskraut í jólaskóginum í Ráðhúsinu

70 jólatré fylla nú Tjarnarsal Ráðhúss Reykjavíkur en Steinunn Sigurðardóttir fatahönnuður hefur haft umsjón með verkefninu. Í jólaskóginum er handverk frá hinum ýmsu hópum fatlaðra nemanda og umhverfisvænt jólaskraut m.a. frá nemendum textildeildar Myndlistaskóla Reykjavíkur. Jólaskraut úr ruslu, þ.e. endurvinnsluskraut, handprjónaðir jólasveinar og snjókarlar, jólatré úr eggjabökkum, og miklu meira.

Sjón er sögu ríkari!

Ljósmynd af vef Reykjavíkurborgar.

Einkunn

Völuspá matarleikhús - heimsfrumsýning í Norræna húsinu

Völuspá - A Nordic Food Experience er samstarfsverkefni leikhússins Republique í Kaupmannahöfn, Norræna hússins og DILL veitingastaðar og byggist bæði á ævafornum textum Völuspár og norrænni matarmenningu. Sýningin er ferðalag um heima skilningarvitanna þar sem mæri hefðbundinnar leiksýningar og máltíðar eru könnuð og þeim ögrað. Um er að ræða einstaka sýningu þar sem öll skilningarvitin spila saman, sjón, heyrn og tilfinning og svo auðvitað bragð og ilman, í nýrri og einstakri túlkun á spádómi völvunnar. Sýningin er sett upp sem ferðalag um fagra byggingu Alvars Aaltos og nánasta umhverfi hennar, hvert rými fyrir sig táknar hluta textans og réttir sýningarinnar draga þá merkingu sérstaklega fram. Maturinn í sýningunni er skipulagður af danska matreiðslumeistaranum Mette Sia Martinussen, sem hefur m.a. slegið í gegn með Madeleines Madteater í Kaupmannahöfn, og matreiðslumeistara Dill, Gunnari Karli Gíslasyni.

Að verkinu standa:

Hugmynd og sjónrænt efni: Dorte Holbek, Mette Sia Martinussen, Alette Scavenius, Martin Tulinius
Leikstjóri: Martin Tulinius
Hönnun sviðsmyndar: Dorte Holbek
Matreiðslumenn: Mette Sia Martinussen, Gunnar Karl Gíslason
Leikritahöfundur: Alette Scavenius

Verkið verður flutt dagana 23. október til 2. nóvember 2011 og er einkum ætlað fullorðnum. 24 áhorfendur geta að hámarki tekið þátt í hverri sýningu. Verkið Völuspá - A Nordic Food-Expeditioner hugsað sem sýning í algjörum sérflokki, bæði hvað varðar mat og drykk og skurðpunkt máltíðar og leikhúss.

Miðar eru seldir á www.midi.is

Einkunn

Náttúrulega hamingjusöm mynstur

Laugardaginn 8. október nk. kl:14:00, flytur finnski hönnuðurinn Pia Holm fyrirlestur í Hönnunarsafni Íslands í Garðabæ.

Pía er myndskreytir og textílhönnuður og nefnir hún fyrirlesturinn Naturally Happy Patterns eða Náttúrulega hamingjusöm mynstur. Pía mun fjalla um finnska textílhönnun og eigin verk. Hún hefur um árabil unnið fyrir stór norræn fyrirtæki, meðal annars fyrir hið heimsþekkta fyrirtæki MARIMEKKO og einnig undir eigin merki happydesign.fi.

Fyrirlesturinn er öllum opinn meðan húsrúm leyfir og er aðgangur ókeypis.

Verk Piu munu verða til sýnis í safninu í október 2011.

Grafík: 3 Marimekko mynstur eftir Piu Holm.

Einkunn

Þar sem ég bjó og það sem ég lifði - Hildur Hákonardóttir í Ásmundarsal

Í dag kl. 15:00 opnar listakonan og náttúrubarnið Hildur Hákonardóttir einkasýningu í Listasafni ASÍ Ásmundarsal. Sýningarstjórar eru Unnar Örn og Huginn Þór Arason.

Hildur Hákonardóttir (f. 1938) hóf nám við Myndlista- og handíðaskóla Íslands 26 ára gömul og eftir útskrift þaðan 1968 fór hún í framhaldsnám við Edinburgh Collage of Art og aflaði sér  frekari menntunar í myndvefnaði. Á fyrstu einkasýningu sinni í Gallerí SÚM 1971 steig Hildur  fram sem frumkvöðull nýrrar stefnu í myndvefnaði hérlendis þar sem sameinaðar voru hugsjónir, krítísk hugmyndafræði og fersk myndsýn.

Hildur Hákonardóttir hefur tekið gagnrýna afstöðu í verkum sýnum, vakið upp og spurt  spurninga og verið óhrædd við að tjá skoðanir sínar. Á áttunda áratug síðust aldar tók Hildur mjög eindregna afstöðu í verkum sínum gegn hernaði og stríðsrekstri vesturveldanna en einnig fjallaði hún á margbrotinn hátt um hlutskipti kvenna, sjálfsmynd karlmannsins og stöðu mannsins gegn náttúrunni.

Eitt verka á sýningunni, verk í gryfjunni, er tileinkað Henry David Thoreau (1817-1862) sem hefur verið vinur Hildar í anda alla hennar ævi og haft mikil áhrif á líf hennar og störf. Thoreau var skáld, rithöfundur, heimspekingur, skattgreiðslu neitandi og þróunargagnrýnandi sem hafði mikil áhrif, ekki aðeins á samtíma sinn heldur hafa verk Thoreau ekki síður áhrif í nútímanum. Hann er höfundur yfir 20 bóka, m.a. bókarinnar Walden þar sem hann fjallar um það sem hann lærði af því að flytja einn út í skóg og byggja utan um sig kofaskrífli og lifa af því sem náttúran gaf af sér. Hann vildi upplifa lífið í sinni tærustu og upprunalegustu mynd og læra af náttúrunni. Hann á stóran þátt í mótun umhverfisfræða og Thoreau lagði mikla áherslu á sjálfbæran lífsstíl. Hann skrifaði einnig bókina Borgaraleg óhlíðni sem hefur haft ómæld áhrif og gerir enn.

Sunnudaginn 25. september verður rabbfundur í tengslum við sýningu Hildar í Ásmundarsal þar sem fjallað verður um Henry David Thoreau. Þar munu fjölmargir áhugamenn um Thoreau ræða afstöðu sína til verka hans og útfrá spurningunni – Á Thoreau erindi við okkur í dag?

Sjá nánar um Thoreau á Wikipedia.

Efri myndin er ofið verk eftir Hildi Hákonardóttur en sú neðri ljósmynd af Henri David Thoreau.

Einkunn

GE9N - jákvæð árangurssaga úr íslensku athafnalífi

Kvikmyndin Ge9n verður sýnd í Bíó Paradís þ. 9. september nk.

Ge9n er kvikmynd um níu þátttakendur í pólitískri aðgerð á pöllum Alþingis 8. desember 2008. Ári eftir aðgerðina voru þessi níu ákærð fyrir „árás á Alþingi“. Í myndinni er grennslast fyrir um sýn þeirra á íslenskt samfélag og samtíma okkar, hvað þeim gekk til sem gengu lengra en flestir 40 dögum fyrir búsáhaldabyltinguna svokölluðu. Leikstjóri myndarinnar er Haukur Már Helgason. Meðframleiðandi er Bogi Reynisson. Aðaltökumaður sumarið 2010 var Miriam Fassbender. Myndin er framleidd af SeND í samstarfi við Argout film. Eftirframleiðslu annast Atmos.
Nánari upplýsingar á vef framleiðanda myndarinnar..

Einkunn