Náttúran.is

Ísbjörninn Polli

Nýlega gaf Tammerraamat útgáfan út barnabók Sigurðar Brynjólfssonar (SÖB) „Jääkaru Polli“ en bókin fjallar um hnattræna hlýnun. Bókin kom út í Eistlandi nú á dögunum. SÖB stefnir að því að fá bókina gefna út á íslensku en hún mun þá bera nafnið „Ísbjörninn Polli“.

Hugmyndin að bókinni er „hnattræn hlýnun” og að tímabært er að börnum sé gerð grein fyrir vandamálinu segir Sigurður um bók sína. Þetta er hvort eð er þeirra framtíðarvandamál segir hann ennfremur. Bókin sýnir vandamálið ekki sem hryllingssögu heldur líkara dularfullu og draumkenndu ævintýri.

Ísbjörninn Polli og snjókristallinn Krissi eru aðal persónur bókarinnar. Polli sem á heima í norður íshafinu, vaknar á skrítnum ísjaka, allur ís er bráðnaður, horfinn. Með honum á jakanum er Krissi og saman ferðast þeir um heiminn, á fljúgandi töfra ísjakanum sem Krissi stjórnar.

Á þessu ferðalagi heimsækja þeir staði á jörðinni þar sem áður stóðu ýmis merkileg mannana verk en eru nú hálf á kafi í vatni og Krissi segir Polla frá þeim og sögu þeirra.

Þeir koma að lokum aftur heim í íshafið og Polli vaknar, þetta var þá allt saman draumur og allt er einsog það var áður...en verður það alltaf svoleiðis?

Það verður spennandi að sjá bókina í hillum íslenskra bókaverslana, sem verður vonandi fyrr en seinna en SÖB leitar nú að útgefanda til að gefa bókina út hér á landi.

Grafík: Forsíða og bak bókarinnar um ísbjörninn Polla á eistnesku.

Einkunn

Nau - Sjálfbær fatnaður

Nau (borið fram eins og Ná eða Now í ensku) er fataframleiðandi staðsettur í Portland í Bandaríkjunum. Nau framleiðir sjálfbæran útivistarfatnað. Notast er við lífræn og endurunnin efni í framleiðslu fatnaðarins. Einnig er mikið notast við ull. Þrátt fyrir umfangsmikla starfsemi samanstendur Nau af færri en 20 starfsmönnum. Hugmyndin á bak við Nau er að endurhanna tískuna eins og hún er í dag og gera breytingar innan þessa stóra iðnaðar. Eitt lítið skref í átt að betri heimi.

Einkunn

World Green Building Council

World Green Building Council er óháð ráð sem er stjórnað af aðilum uúr byggingariðnaðinum og hefur það að meginmarkmiði að flýta fyrir framþróun ií vistvænni hönnun í byggingariðnaði ií heiminum. Hlutverk ráðsins er að veita samtökum um vistvænar byggingar aðstoð og upplýsingar. Auk þess veitir ráðið þjóðum leiðbeiningar við að stofna sambærileg samtök. WGBC var stofnað árið 2002 af samtökum 8 landa. Árið 2009 samanstendur ráðið af samtökum fraá 14 löndum víða um heim, auk þess sem 7 þjóðir hafa verið samþykktar og eru að vinna að inngöngu í ráðið.

Á síðastliðnu ári var Vistbyggðarráð stofnað hér á landi, þar sem leiðbeiningar WGBC hafa verið notaðar við að koma félaginu á fót. Þrjátíu og tvö fyrirtæki og stofnanir eru aðilar að stofnun ráðsins. Sjá nánar á vef Vistbyggðarráðs www.vbr.is.

Einkunn

Treflaverksmiðjan - Vík Prjónsdóttir á HönnunarMars

Eitt af aðalsmerkjum Víkur Prjónsdóttur er rekjanleiki og gagnsæi framleiðslu Víkurprjóns í Vík í Mýrdal. Á HönnunarMars mun Vík Prjónsdóttir opna treflaverksmiðju að Laugavegi 6, opið frá kl. 10:00-18:00, þar sem gestir geta fylgst með framleiðslunni og keypt nýlagaða trefla. Bæði hönnuðirnir og starfsmenn framleiðslunnar í Vík munu sjá um að framleiða treflana. Eins og í öllum verksmiðjum stöðvast framleiðslan ekki nema í kaffihléum og mun því vera stöðugur púls, hiti og sviti í þessari litlu verksmiðju.

Móttaka fyrir boðsgesti verður haldin föstudaginn 25. mars á milli 17 og 19.

Einkunn

Björg í bú í Norræna húsinu - HönnunarMars

Björg í bú er hönnunarfyrirtæki sem vinnur að matarhönnun og almennri hönnun. Vöruhönnuðir Björg í bú, Helga Björg Jónasardóttir, Edda Gylfadóttir og Guðrún Hjörleifsdóttir hafa undanfarið verið að vinna að matarhönnunarverkefninu Örflögur.

Örflögur eru hollar, fitulausar kartöfluflögur. bakaðar og þurrkaðar kryddaðar með töfrum sjávar, hrein náttúruafurð. Askjan sem flögurnar eru í breytist í skál þegar hún er opnuð og geymir þar fróðleik um kartöfluna og uppruna hennar.

Verkefnið er unnið í samvinnu við Innovit nýsköpunar- og frumkvöðlasetur og Matís.

Verkefnið var tilnefnt til Nýsköpunarverðlauna Forseta Íslands 2010 og er styrkt af Tækniþróunarsjóði, Atvinnumálum kvenna og Átaki til atvinnusköpunar.

Einkunn