Náttúran.is

Skrifstofan - Sími

Síminn er eitt mikilvægasta hjálpartæki mannsins. Nú eru komnir á markaðinn farsímar sem eru knúnir sólarrafhlöðum og framýróun á farsímamarkaðnum er hröð. Mikilvægt er að velja síma sem hentar manni. Óþarfi er að kaupa síma með möguleikum sem maður kemur aldrei til með að nota.

Ódýrir símar frá viðurkenndum framleiðendum geta verið jafn góðir og rándýrir símar. Spurningin er alltaf á hverju þú þarft að halda.

Mikilvægt er að koma símunum í endurvinnslu eftir notkun, og gefa öðrum gamla farsímann, sé hann enný á í lagi. Endurnotkun og endurvinnsla eru hér lykilatriði.

Einnig verður að gæta þess að hlaða ekki símana lengur en nauðsyn krefur (láta þá ekki liggja dögum saman í hleðslu). Slíkt sóar rafmagni.

Áður en þú kaupir þér nýjan síma er ráðlegt að athuga hvort að þú þurfir í raun og veru á nýjum sima að halda. Sé eitthvað að rafhlöðunni, má einfaldlega skipta um hana. Þá verður síminn sem nýr.

Það eru einnig til símar með stórum tökkum fyrir sjónskerta og símar með hækkuðum tóni fyrir heyrnardaufa. Allt slíkt þarf að athuga þegar aldurinn færist yfir.

Ekki er æskilegt að mjög ung börn séu með farsíma, nema þá leikfangasíma.

Hvað geislun frá farsímum varðar eru til farsímar sem merktir eru TCO 01 sem þýðir að þeir gefa frá sér minni geislun.

Einkunn

RSS - Fréttafóðrun Náttúrunnar

Til að auka yfirsýn á það sem er að gerast í umhverfissamfélaginu hefur Náttúran nú virkjað RSS* fréttafóðrun frá öðrum umhverfismiðlum hér neðarlega til hægri á síðunni en þar birtast yfirsagnir síðustu fimm frétta hvers miðils og þegar rennt er yfir yfirsagnirnar birtast fyrstu línur fréttanna. Með því að smella á fréttina ferð þú á viðkomand miðil og getur lesið alla greinina.

Nú birtist fréttafóðrun frá; Náttúrufræðistofnun, Umhverfisráðuneytinu, Umhverfisstofnun, Lofslag.is og Saving Iceland en fleirum er velkomið að láta vita af miðli sem tengist umhverfismálum og gefur möguleika á fréttafóðrun sem við munum þá með mikilli ánægju bæta í hópinn.

Við minnum einnig á RSS fréttafóðrun Náttúrununnar sem öllum er frjálst að birta á sínum miðli. Til að notfæra sér hana þarft þú aðeins að setja slóðina hér að neðan í þar til gerðan RSS lesara á tölvunni eða í gsm-símanum þínum. Öllum er velkomið að virkja þannig fréttir Náttúrunnar á vefsíðum sínum. http://www.natturan.is/feeds/

*RSS stendur fyrir „Really Simple Syndication“ á ensku sem við höfum þýtt sem „fréttafóðrun“.

Einkunn

Grændrykkjahittingur í Litla bóndabænum þ. 25. maí

Green Drinks eða „Grænir drykkir“ er alþjóðleg óformlegt samfélag sem starfar óhefðbundið í yfir 500 borgum um allan heim. Grænir drykkir hafa það að markmiði að fólk með áhuga á umhverfismálum hittist og efli með sér tengsl til að vinna að grænum og góðum málefnum. Jafnt áhugafólks sem fagaðilar eru velkomnir í hópinn. Margir hafa myndað tengls og jafnvel fundið sér starfsvettvang innan umhverfistengdra fyrirtækja, samtaka með þátttöku á samdrykkju með grændrykkjufélögum um allan heim.

Á undanförnum mánuðum hefur verið boðað til grænnar samdrykkju, mánaðarlega, víðs vegar um bæinn, og er fólk hvatt til að mæta og taka þátt í þessum skemmtilegu hittingum. Í þetta skipti er fólki stefnt á hitting í Litla bóndabænum, nýju litlu kaffihúsi, Laugavegi 41, sem sérhæfir sig í lífrænum veitingum og er sérstaklega umhverfismeðvitað á allan hátt. Stefnt er að því að hittast kl. 18:00 og skeggræða í um þriggja klukkustunda skeið eða svo.

Sjá facebooksíðu Green Drinks Reykjavík.

Sjá alþjóðlegan vef Green Drinks.

Fjöldi skemmtilegra merkja og myndefnis hefur verið unnið til að vekja athygli á Grænum drykkjum um allan heim. Mynd: Merki Green Drinks Reykjavík.

Einkunn

Boðað til grænnar samdrykkju í annað sinn

Green Drinks eða „Grænir drykkir“ er alþjóðleg óformlegt samfélag sem starfar óhefðbundið í 466 borgum um allan heim. Grænir drykkir hafa það að markmiði að fólk með áhuga á umhverfismálum hittist og efli með sér tengsl til að vinna að grænum og góðum málefnum. Jafnt áhugafólks sem fagaðilar eru velkomnir í hópinn. Margir hafa myndað tengls og jafnvel fundið sér starfsvettvang innan umhverfistengdra fyrirtækja, samtaka með þátttöku á samdrykkju með grændrykkjufélögum um allan heim.

Fyrsti hittingur Grænna drykkja hér á landi var haldin í lokaveislu Grænna daga GAIA í Norræna húsinu þ. 6. mars sl. en nú er aftur boðið til samkundu á grænum drykkjarnótum þ. 1. apríl kl 17:30 í Norræna húsinu. Hægt er að hafa samband við Charlotte charlotte.o.ferrier@gmail.com eða í síma 8570945 til að fá nánari upplýsingar.

Fjöldi skemmtilegra merkja og myndefnis hefur verið unnið til að vekja athygli á Grænum drykkjum um allan heim. Mynd: Green Drinks Chattanooga.

Sjá alþjóðlegan vef Green Drinks.

Einkunn

Samlagið - fyrir okkur hin

Nýlega opnaði eitt af jákvæðu afsprengjum kreppunnar en það er vefurinn samlagid.is. Þar er hægt að gefa og fá gefins jafnframt því að kaupa og selja ódýrt. Skráning kostar ekkert og er framtakið því samfélagsleg þjónusta sem getur skipt sköpum fyrir fólk í dag enda ófáir búnir að missa vinnuna, húsið, bílinn og berjast við að halda krökkunum og eiga í sig og á frá degi til dags.

Um tilurð vefsins segir stofnandinn Axel V. Gunnlaugsson:

Á dimmum laugardagsmorgni í nóvember 2008 vaknaði hugmynd um að setja upp vef sem kannski gæti liðkað til í kreppunni. Hugmyndin er að stórum hluta gömul og fólst í því að setja upp smáauglýsingavef en þó með öðru sniði en allir hinir. Á Samlaginu er áherslan lögð á skiptimarkaðs formið þar sem peningar þurfa ekki endilega að vera forsenda viðskipta.

Efnahagsástandið hefur tímabundið takmarkað það fé sem við höfum á milli handanna. Engu að síður liggjum við sum etv. með eigulega hluti sem við viljum koma í verð eða nýta í skiptum fyrir eitthvað sem okkur vantar. Einhverjir kunna jafnvel að vilja skipta á vinnuframlagi og vörum eða matvælum ýmiskonar.

Skoðaðu samlagid.is.

Einkunn