Dagana 18. – 21. mars 2010 stendur Hönnunarmiðstöðin öðru sinni fyrir HönnunarMars. Markmiðið er að halda áfram því góða starfi sem farið var af stað með, þar sem grasrótin í hönnunarsamfélagi landsins stendur fyrir stærsta hluta dagskrárinnar.

Kynning á glæsilegri dagskrá HönnunarMars 2010 fer fram í Hafnarhúsi Listasafns Reykjavíkur nk. fimmtudag 11. mars kl. 20:00.

HönnunarMars er ætlað að vekja athygli á íslenskum hönnuðum og hönnun þeirra hjá almenningi, fjölmiðlum og stjórnvöldum. Íslenskir hönnuðir hafa verið að sækja mjög í sig veðrið undanfarin ár sem sést í þeirri miklu grósku sem er í íslenskri hönnun í dag.

Nú þegar hefur fjöldi erlendra blaðamanna boðað komu sína á HönnunarMars 2010. Erlendir fyrirlesarar, sem ættu að verða hönnunarsamfélaginu og öðrum innblástur, munu taka til máls í fyrirlestraröð Hönnunarmiðstöðvar auk þess sem Norrænir kaupendur og framleiðendur hönnunar taka þátt í kaupstefnu sem Hönnunarmiðstöð stendur fyrir í samstarfi við Norræna húsið.

Sjá alla viðburði á HönnunarMars 2010.

Allir fá þá eitthvað fallegt

Í elsta húsi Reykjavíkur, Aðalstræti 10 stendur nú yfir jólasýning Handverks og hönnunar. Þetta er í tíunda sinn sem Handverk og hönnun  heldur jólasýningu. Þetta er sölusýning þar sem 32 aðilar sýna íslenskt handverk, listiðnað og hönnun og eru munir afhentir í sýningarlok. Dómnefnd valdi muni á sýninguna.
Drífa Hilmarsdóttir útstillingahönnuður sá  um uppsetningu.

Sýnendur eru:
Anna Gunnarsdóttir, Dóra Árna, Edda Jóna Gylfadóttir, Elín Hrund Þorgeirsdóttir, Eva Vilhelmsdóttir, Guðný Hafsteinsdóttir, Guðrún Indriðadóttir, Halla Ásgeirsdóttir, Helga Björg Jónasardóttir, Hrafnhildur Bernharðsdóttir, Hulda og Hrafn, Inga Elín, Ingibjörg Gunnlaugsdóttir, Jórunn Dóra Sigurjónsdóttir, Julia Frank, Kristín Þóra Guðbjartsdóttir, Laufey Jensdóttir, Lilja Valsdóttir, Margrét Guðnadóttir, Margrét Jónsdóttir, Nadine Martin, Olga Perla Nielsen, Páll S. Garðarsson, Ragna Ingimundardóttir, Ragnheiður Ingunn Ágústsdóttir, Ragnheiður Ragnarsdóttir, Rósa Helgadóttir, Sigríður Elfa Sigurðardóttir, Soffía H. Weisshappel, Sólrún Anna Símonardóttir, Sólveig Magnúsdóttir, Þórdís Halla Sigmarsdóttir og Þórey S. Jónsdóttir.

Einu sinn er

Í Norræna húsinu stendur nú yfir sýiningin Handverks og hönnunar „Einu sinni er“. Hugmyndin að sýningunni varð til á fundi  hjá Handverki og hönnun í maí 2008. Á hverju ári eru haldnir fundir þar sem stjórn og starfsmenn Handverki og hönnun hitta fulltrúa grasrótarinnar. Hugmyndin var að hvetja til nýsköpunar og vöruþróunar með því að stefna saman tveimur ólíkum listamönnum. Tólf einstaklingar voru valdir af Handverki og hönnun og hver þeirra valdi sér samstarfsaðila. Lagt var til að hver einstaklingur veldi sér samstarfsaðila af öðru sviði og af annarri kynslóð. Þetta var þó ekki gert að skilyrði.

Þema sýningarinnar „gamalt og nýtt ” var valið í samvinnu við hópinn. Á þessari glæsilegu sýningu sjáum við nýja nytjahluti sem unnir eru af þessum tólf pörum.

Sýnendur eru: Anna Guðmundsdóttir, Tinna Gunnarsdóttir, George Hollanders,
Guðrún Á. Steingrímsdóttir,Guðbjörg Káradóttir, Frosti Gnarr, Guðný Hafsteinsdóttir, Karen Ósk Sigurðardóttir,  Inga Rúnarsdóttir Bachmann, Stefán Svan Aðalheiðarson, Lára Gunnarsdóttir,  Sigríður Erla Guðmundsdóttir, Lára Vilbergsdóttir, Fjölnir Björn Hlynsson, Ólöf Einarsdóttir, Sigrún Ólöf Einarsdóttir, Páll Garðarsson, Margrét Jónsdóttir, Ragnheiður Ingunn Ágústsdóttir, Birna Júlíusdóttir, Sigríður Ásta Árnadóttir, Kristín Sigfríður Garðarsdóttir, Þorbergur Halldórsson og Ari Svavarsson.

Aðgangur er ókeypis á báðar sýningarnar

Sjá nánar um Handverk og hönnun á www.handverkoghonnun.is.

Hið norræna fatahönnunarfélag, sem Fatahönnunarfélag Íslands er í, stendur fyrir verkefninu Nordic Initiative, Clean and Ethical. Markmið verkefnisins er að stuðla að náttúrulegum framleiðsluháttum innan tískuiðnaðarins og lýkur verkefninu með hönnunarkeppni sem haldin verður í tengslum við umhverfisráðstefnuna í Kaupmannahöfn í þessari viku.

Arkitektinn Michael Reynolds notar það sem aðrir henda sem byggingarefni. Auðvitað var honum lengst af bannað að stunda stunda iðju sína í Bandaríkjunum en þá fór hann bara annað og sannaði að þetta væri virkilega praktískt og hentugt, að ekki sé minnst á vistvæna þáttinn.

www.garbagewarrior.com.