Sem hluta af þróun Græna Íslandskortsins hefur Náttúran tekið saman yfirlit frá Siglingastofnun yfir alla vita á Íslandi, samtals 110 vita og falla þeir undir yfirflokkinn „Opinber verk/kennileiti“. Vitarnir hafa nú verið skráðar og kortlagðar á Græna kortið hér á vefnum en auk staðsetningar má sjá byggingarár, hæð, ljóshæð og hlutverk og hver rekstaraðili vitans er.
Þó að ekki hafi verið til flokkur fyrir vita undir alþjóðlegu flokkunarkerfi Green Map þótti okkur vitar landsins vera bæði það falleg og mikilvæg mannvirki að þeir verði að vera á kortinu auk þess sem þeir eru það mikilvægir áfangastaðir í náttúru landsins að ekki væri komist hjá því að gerða nýjan flokk sem síðan bætist þá við grænkortaflokka í Green Map kerfinu. Ef þú hefur einhverjar spurningar eða vilt koma á framfæri athugsemdum sem varða þennan flokk þá skrifaðu okkur á nature@nature.is.
Grænkortaflokkurinn Vitar eru skilgreindir á eftirfarandi hátt: „Viti er turn, bygging eða mannvirki sem er hannað til að gefa frá sér ljós með kerfi lampa og linsa, ætlað til hjálpar sjófarendum“.
Sjá flokkinn „Vitar“ á Græna kortinu.
Ljósmynd: Knarrarósviti í Flóa, rétt austan við Stokkseyri. Teiknaður af Axel Sveinssyni, verkfræðingi, eftir hugmynd Guðjóns Samúelssonar, húsameistara ríkisins. Ljósmynd: Guðrún Tryggvadóttir.
Tákn: Vitatákn hannað af Guðrúnu Tryggvdóttur fyrir Græna kortið.
18. júlí 2010 14:09
Uppruni:
Náttúran.is
Út er komið nýtt tímarit „Í boði náttúrunnar“ en blaðið fjallar um allt frá hönnun tengdri náttúrunni til hugmynda fyrir bústaðinn, uppskriftum og ráðum um ræktun og villtar jurtar. Útgáfan er á höndum Guðbjargar Gissurardóttur hönnuðar en hún hefur ásamt manni sínu Jóni Árnasyni staðið fyrir samnefndum útvarpsþætti á rás eitt sem notið hefur mikilla vinsælda. Blaðið er ákaflega fallegt útlits og þægilegt viðkomu, prentað á mattan pappír í Svansvottaðri prentsmiðju Odda. Hönnuðir eru þær Bergdís Sigurðardóttir og Kristín Agnarsdóttir en Guðbjörg er ritstjóri blaðsins.
Að sögn útgefenda er hugmyndin með útgáfunni að veita lesandanum hvíld frá kapphlaupi hverdagslífsins og fjalla um hluti sem skiptir fólk máli í daglegu lífi. Hvort sem það er að slaka á úti í náttúrunni, rækta garðinn sinn, vernda landið eða njóta samveru með fjölskyldu og vinum í íslenskri náttúru.
Áformað er að blaðið komi út fjórum sinnum á ári (þrisvar fyrsta árið) og er efni hvers blaðs tengt hverri árstíð.
Hægt er að skoða blaðið á vefsíðu tímaritsins www.ibodinatturunnar.is en sérstakt áskriftar tilboð að blaðinu gildir til 16. júlí.
12. júlí 2010 13:02
Uppruni:
Í boði náttúrunnar
„Betristofa borgarinnar“ er verkefni sem hlaut styrk frá styrktarsjóð Reykjavíkurborgar, Vertu með í að skapa betri borg. Miðbærinn, betristofa borgarinnar, er ekki einungis fallegt svæði sem virða má fyrir sér heldur á hún að notast sem íverurými. Með inngripum hópsins ætlum við að glæða minna notuð svæði miðbæjarins lífi, staðirnir munu fá nýjan og aukinn tilgang og áhugaverðum innsetningum komið fyrir. Smám saman færist hlutverk miðbæjarins frá því að vera virðuleg stássstofa þar sem allt er ósnertanlegt til þess að vera lifandi svæði þar sem ungir sem aldnir geta lifað og leikið sér.
Allir velkomnir í Betristofu borgarinnar. Það sýnir sig og sannar þegar hún verður til í bókstaflegri merkingu undir berum himni þar sem fólk getur sest, spjallað og notið veðurblíðunnar. Það má meira að segja setja fæturna upp á borð og hoppa í sófanum.
Meira á http://www.wix.com/betristofan/rvk/ og/eða á Facebook síðunni þeirra.
11. júlí 2010 11:29
Uppruni:
Náttúran.is
Náttúran í hönnun er samstarfsverkefni Hönnunarmiðstöðvar Íslands og Landsvirkjunar.
Á sýningunni er boðið í ferðalag um hlutbundna náttúru íslenskra hönnuða og skyggnst inn í hugarheim þeirra, meðal annars með áhugaverðum viðtölum.
Rúmlega 30 hönnuðir sýna verk sín. Á meðal þeirra eru: Árni Grétarsson, Brynhildur Pálsdóttir og Guðfinna Mjöll, Dagný Bjarnadóttir, Guðrún Lilja Gunnlaugsdóttir, Hanna Jónsdóttir, Jón Björnsson, Katrín Ólína, Jóhanna Methúsalemsdóttir, Hildur Yeoman, Snæfríð Þorsteins & Hildigunnur Gunnarsdóttir, Vík Prjónsdóttir (fyrirtæki) og Tinna Gunnarsdóttir.
Sýningarstjóri er Hlín Helga Guðlaugsdóttir.
Í Ljósafossstöð er einnig sýningin Raunveruleikatékk. Lettneska myndlistakonan Ieva Epnere sýnir myndir af íslenskum unglingum í myndröð sem hún kallar I would like to be …. Þar spyr hún íslenska unglinga um framtíðardraumana og myndar þá í sérherberginu heima, áður en þeir fljúga úr hreiðrinu.
Raunveruleikatékk er samstarfsverkefni Landsvirkjunar og Listahátíðar í Reykjavík.
Ljósafossstöð er opin frá 13:00 til 1:007 virka daga í sumar og frá 13:00 til 18:00 um helgar. Síðasti sýningardagur er 28. ágúst.
Sogsstöðvarnar eru á „Þingvallahringnum“ þ.e. við þjóðveg 36 sem liggur frá Mosfellsbæ til Þingvalla og þaðan til suðurs niður með Soginu þar sem stöðvarnar eru.
Við Selfoss undir Ingólfsfjalli er hægt að fara þjóðveg 35 af þjóðvegi 1 og beygja inn á þjóðveg 36 ofan við Þrastarlund og þaðan að stöðvunum. Þú sérð staðsetningu Ljósafollsvirkjunar hér á Grænum síðum og allar vatnsaflsvirkjanir hér á Græna kortinu í flokknum Virkjun vatnsafls.
Nánari upplýsingar um Sogsstöðvar á vef Landsvirkjunar.
2. júlí 2010 10:52
Uppruni:
Hönnunarmiðstöð
/
Landsvirkjun
Vistvæn tíska var sýnd á tískupöllum í Kaupmannahöfn hinn 9. desember á sama tíma og fulltrúar ríkja heimsins funduðu um loftslagsbreytingar.
