Sem hluta af þróun Græna Íslandskortsins hefur Náttúran tekið saman yfirlit yfir útsýnisskífur á Íslandi en 39 útsýnisskífur hafa nú verið skráðar og kortlagðar á Græna kortið hér á vefnum. Þrátt fyrir ítarlega leit að útsýnisskífum má vel vera að einhversstaðar á landinu leynist fleiri útsýnisskífur sem við höfum ekki fundið og væri því mikilvægt að fá upplýsingar um þær. Skrifið okkur á nature@nature.is.

Sjá flokkinn „Útsýnisstaðir“ á græna kortinu.

Grænkortaflokkurinn Útsýnisstaðir er skilgreindur á eftirfarandi hátt:

„Vinsælir staðir þar sem skoða má útsýnið með aðstoð útsýnisskífu sem sýnir nöfn á fjöllum og öðrum kennileitum“.

Mynd: Útsýnisskífan á Kambabrún. Ljósmynd: Einar Bergmundur.

Að ganga er ein besta og ódýrasta líkamsrækt sem völ er á. Hún er ekki bundin við sérstakan stað né tíma svo þú ert alveg frjáls í að þjálfa þig þegar þú vilt. Hún er líka tilvalin til að fá sér ferskt loft. Ganga styrkir líkamann og getur spornað við ýmsum æðasjúkdómum og bætt andlega líðan. Með góða skó á fótum ertu tilbúin í gönguferðina. Gönguleiðum og stígum í kringum bæi og borgir hefur fjölgað til muna á síðustu árum, athugaðu gönguleiðir í þínu nágrenni.

Hlynur Bárðarson meistaranemi í umhverfis- og auðlindafræði við HÍ heldur fyrirlestur um meistaraprófsverkefni sitt í dag föstudaginn 6. febrúar kl. 16:30 í sal N-132 í Öskju, náttúrufræðahúsi, Sturlugötu 7.

Viðfangsefni Hlyns er „Flokkun á íslensku landslagi og fylgni við jarðfræðilega þætti, Icelandic landscape classification and correlation with geological factors.“

Nýlega hefur verið þróuð aðferð við flokkun á íslensku landslagi á Íslandi í tengslum við Rammaáætlun um nýtingu vatnsafls og jarðvarma. Hún byggist á 23 sjónrænum eiginleikum, m.a. grunnlögun, útlínum og formum í landslagi, víðsýni, breytileika í hæð, gróðurþekju og fjölbreytni gróðurs og fjölbreytni í áferð og mynstri. Hér var þessari aðferð beitt á 98 svæði sem valin voru innan kerfisbundins hnitakerfis með það að markmiði að greina og flokka helstu landslagsgerðir á Íslandi með fjölþáttagreiningu (Cluster Analysis og Principal Component Analysis). Fylgni landslags við jarðsögu og jarðfræði var einnig könnuð, bæði með fylkjareikningum (Canonical Correlation) og venjulegum fylgnireikningum.

Niðurstöðurnar benda til þess að 8 meginlandslagsgerðir sé að finna á Íslandi. Þær eru:

Langar þig að vita af hverju landslagið er eins og það er? Hvað veldur að sums staðar er undirlendi og annars staðar þröngir firðir? Þá er upplagt tækifæri að líta við í Sesseljuhúsi næsta laugardag en þá ætlar Jón Eiríksson, jarðfræðingur hjá Jarðvísindastofnun Háskólans, að veita gestum innsýn í það sem jarðfræðingurinn sér í landslaginu. Jón mun byrja á fræðsluerindi innandyra en síðan verður farið út og spáð í landslagið.

Fundurinn er laugardaginn 31. maí, kl. 13:00 og er aðgangur ókeypis. Tilvalin samverustund fyrir fjölskylduna!

Kaffihúsið Græna kannan og verslunin Vala eru opin frá 14:00 -17:00.