Landnotkunarsetur Háskóla Íslands og Háskólafélag Suðurlands boða til ráðstefnu um landnotkun á Íslandi. Svandís Svavarsdóttir umhverfisráðherra mun setja ráðstefnuna, sem haldin verður á Hótel Selfossi fimmtudaginn 28. janúar 2010. Ráðstefnugjald er 7500 kr., en 3500 kr. fyrir námsmenn. Skráning stendur til 23. janúar á heimasíðu ráðstefnunnar.

Dagskrá ráðstefnunnar má finna í þessu skjali.

Svandís Svavarsdóttir umhverfisráðherra og starfsfólk Landmælinga kynntu í dag niðurstöður CORINE-verkefnisins. Meðal þess sem fram kemur í niðurstöðunum er að byggingarsvæði stækkuðu um 1055% árin 2000 til 2006 og jöklar minnkuðu um 1,63%. Niðurstöðurnar eru birtar í heild sinní skýrslu sem gefin hefur verið út (http://atlas.lmi.is/corine/) og á vefsjá Landmælinga (http://atlas.lmi.is/corine/) sem opnuð var í dag.

Í CORINE-verkefninu er landið flokkað í fimm grunnflokka sem skiptast í 44 mismunandi landgerðir. Ísland einkennist umfram allt af náttúrulegum landgerðum en um 88% landsins falla í þá flokka og eru stærstu landgerðirnar mólendi, mosi og kjarr (35%), ógróin hraun og urðir (23%), hálfgróið land (13%), jöklar (10,5%) og mýrar (6,3%). Í verkefninu var Ísland flokkað fyrir árið 2000 annars vegar fyrir árið 2006 en alls skipti um 0,62% af yfirborði Íslands um landgerð á þessu tímabili. Langmest breyting varð á byggingarsvæðum, eða 22,57 km2 sem er aukning um 1055%. Þá stækkuðu iðnaðar- og verslunarsvæði um 20% sem skýrist aðallega af virkjunarframkvæmdum og aukning sumarbústaðasvæða stækkuðu þann flokk um 15%. Einnig kemur fram að jöklar landsins minnkuðu um rúmlega 180 km2 (eða 1,63%) milli áranna 2000 og 2006.

Gögnin verða nýtt til þess að fylgjast með breytingum á landnotkun auk þess sem þau nýtast sem grundvöllur að umhverfisstjórnun og í margvíslegri vinnslu í landupplýsingakerfum.

Verkefnið sem nefnist CORINE (Coordination of Land Information on the Environment) var unnið í samvinnu við sveitarfélög landsins og fjölda íslenskra stofnana. Sérfræðingar Umhverfisstofnunar Evrópu sáu um ráðgjöf og gæðaeftirlit.

Mynd: Corine Vefsjá Landmælinga.

Tækifæriskort Skógræktarfélags Íslands nýtast við margvísleg tækifæri - sem jólakort, afmæliskort, boðskort og margt fleira. Kortin eru auð að innan, þannig að þau nýtast sem jólakort, afmæliskort, boðskort eða hvað sem fólki dettur í hug.

Kortin eru seld tíu saman í búnti með umslagi og kostar búntið 1.000 kr. Ef keypt eru 50 kort eða fleiri er veittur 25% afsláttur.

Hægt er að nálgast kortin á skrifstofu Skógræktarfélags Íslands, Skúlatúni 6, 105 Reykjavík eða fá þau póstsend og bætist þá við 250 kr. afgreiðslugjald. Til að panta kort, hafið samband í síma 551-8150 eða sendið tölvupóst á netfangið skog@skog.is

Panta kort. Með því að panta kort styður þú við skógrækt á Íslandi.

Eitt kort = eitt gróðursett tré.

Garðurinn Skrúður á Núpi í Dýrafirði var formlega stofnaður þ. 7. ágúst 1909 og verður því 100 ára á þessu ári. Upphaflegur stofndagur Skrúðs var ekki valinn af handahófi en þ. 7. ágúst 1859 voru 150 ár liðin frá því að fyrstu kartöflurnar voru settar niður í Sauðlauksdal af séra Birni Halldórssyni*. Ári áður hafði kartöfluuppskera heppnast á Bessastöðum, en Hastfer barón á heiðurinn af þeim merka áfanga ræktunarsögunnar.

Garðinum hafði verið lítið sinnt eftir 1980 og hnignaði þá fljótt. Árið 1992 var stofnuð nefnd til viðreisnar Skrúðs og garðurinn síðan endurvígður með viðhöfn árið 1996. Skrúði er nú vel við haldið og hrein unun að sækja garðinn heim.

Nafnið „Skrúður“ mun vera fyrirmynd orðsins „skrúðgarður“. Í byrjun var garðurinn 2000 fermetrar að stærð en steingarður umlykur garðinn „lítilsháttar undirstöður garðveggja“ sem Sigtryggur Guðlaugssyni hófst handa við á árinu 1905, tveim árum áður en hann og bróðir hans Kristinn stofnuðu Ungmennaskólann að Núpi. Hugmynd Sigtryggs og Kristins var að garðurinn yrði til hjálpar við kennsluna, „plantafræði og garðrækt ...aðhlynning trjágróðurs - skólagarður. Garðinn hannaði Sigtryggur af mikill kostgæfni og nákvæmni en hönnunin byggist að miklu leiti á hönnun garða í Evrópu á árum áður.

Sigtryggur sjálfur segir svo frá, birt í ritinu „Skrúður á Núpi - Græðsla og gróður í 50 ár“ **:

Eins og kunnugt er, geta gróðurgarðar heimila verið þrennskonar:
Trjágarðar (Kökkenhave), sem Einar garðyrkjumaður telur svo prýðilega í nöfnum bóka sinna: „Bjarkir“, „Rósir“, „Hvannir“. Ekkert eitt af þessu þrennu er hugsunin með stofnun Skrúðs. Aðaltilgangurinn var að reyna að sýna eftir mætti, hvað gróið gæti úr mold á Íslandi til fæðu, fjölnytja og fegurðar, eða vera matjurtargarður skrýddur að verðleikum íslenskum blóma. Þegar Kristinn bróðir minn og eg höfðum lagt hug á að koma upp skóla, féll gróðrarreiturinn í huga mínum í sambandi við það, sem eg hefi orðað þannig á öðrum staða.

• Vera til hjálpar við kennslu í almennri plantnafræði og garðrækt (námskeið) og einkum að því er snertir aðhlynning trjágróðurs - skólagarður -.
• Sýna nemöndum, hvað vaxið getur í íslenskum jarðvegi og jafnvel hrjóstugum, ef athugun og nákvæmni fylgir og tekið er tillit til íslensks veðurfars.
• Venja nemendur við að neyta garðjurta og viðurkenna ágæti þeirra til fæðubóta og heilbrigði. 

Í heiminum eru til um 10 þúsund tegundir grasa. Meðal þeirra eru korntegundirnar hafrar, rúgur, hveiti, bygg, hrís og maís. Fyrir um 10 þúsund árum byrjaði fólk að hagnýta sér þessar tegundir til matar, þegar það uppgötvaði gæði fræjanna. Frá þeim tíma hafa þessar tegundir verið ein meginstoð í mat manna.
Allt frá landnámi hefur þurrt hey verið nýtt sem vetrarfóður fyrir búpening. Grasið á sumrin og heyið á veturna verður þannig að kjöti og mjólk sem hefur átt sinn þátt í að halda í okkur lífinu.