Á döfinni:

Hafið samband við til að skrá viðburði

Póstlisti


Á póstlista Náttúrunnar eru sendar fréttir og tilboð.
Add to Google

Næring: Hollusta

Blóðberg

Blóðberg er mjög vinsæl kryddjurt (timjan). Blóðbergið er mest notað gegn flensu og kvefi, sérstaklega lungnakvefi og öðrum lungnasjúkdómum þar sem þarf að eyða sýklum og losa um slím. Blóðberg er einnig mjög gott við ýmsum meltingarsjúkdómum, s.s. maga- og garnarbólgu. Blóðberg linar krampa í meltingarfærum og er þá gjarnan notað með öðrum jurtum. Sterkt te af jurtinni, drukkið fjórum til sex sinnum á dag, 2-3 daga í senn, er talið gott itl að venja fólk af áfengisdrykkju.
meira
  • Deildu með vinum

Fyrirlestrar hjá Manni lifandi

Maður lifandi stendur fyrir ýmsum fyrirlestrum og námskeiðum sem miða að því að efla meðvitund um heilsutengd málefni. Skráning fer fram á madurlifandi@madurlifandi.is og fyrirlestrarnir eru haldnir á þriðjudögum hjá Manni lifandi í Borgartúni 24 frá 17:30 til 19:00 en aðgangseyri er stillt í hóf. Næsti fyrirlestur verður um heilun og hvað það eiginlega þýði.

Hvað er heilun?

Kristján Viðar Haraldsson heldur fyrirlestur þriðjudaginn 3. febrúar en hann mun varpa ljósi á marga þætti varðandi þetta áhugaverða viðfangsefni.

  • Hvað getur heilun gert fyrir þig?
  • Hvað gerist í heilunartíma?
  • Fjallað verður um tengsl milli sálrænna, líkamlegra og orkulegra þátta.
  • Þátttakendur munu gera æfingar sem hjálpa þeim að komast í betra samband við sitt eigið orkukerfi.
  • Fjallað verður um uppbyggingu orkukerfis mannsins og hvernig við getum haft áhrif á það á meðvitaðan hátt.

Mataræði fyrr og nú - Næring í víðari skilningi

Haraldur Magnússon osteópati flytur fyriestur þriðjudaginn 10. febrúar og fjallar um það hvað telst hollt og hvað sé óhollt, en hann segir m.a.: „Við fáum mjög misvísandi skilaboð um það hvernig við getum lifað heilsusamlegra líferni. Það er engin launung að það er almenn vitneskja að heilsu okkar hér í vestrænu löndununum fer hratt versnandi og engin lausn virðist vera í sjónmáli þrátt fyrir tækninýjungar og ríkari þekkingu en nokkurn tíman áður. En erum við að leita á réttum stöðum? Hvernig var mataræði fyrir 1900 áður en tíðni hrörnunarsjúkdóma fór að aukast?“

í þessum fyrirlestri verður skoðað frumstæð mataræði samfélaga víðsvegar um heim, hverjar voru aðstæður þeirra og voru þau heilbrigð. Þrátt fyrir að þessi samfélög hafi lifað á ólíku mataræði voru ákveðnir grundvallarþættir sameiginlegir með þeim flestum.

Í lokin verður farið yfir þessi grundvallaratriði heilbrigðs mataræðis.

Myndin er af gulrótum í garði Hildar Hákonardóttur í Ölfusi. Ljósmynd: Guðrún Tryggvadóttir.

nánar
  • Deildu með vinum

Hollusta úr hafinu á Náttúrumarkaði

Náttúrumarkaðurinn hefur ásett sér að kynna og selja sem breiðast úrval af íslenskum náttúruvörum og byggja upp náttúrumarkað sem sýnir þversnið af því sem er að gerast í náttúrutengdri frumkvöðlastarfsemi á landinu.

Mikill fjöldi frumkvöðlaverkefna á sviði vöruþróunar komast aldrei á framleiðslustigið en aðra sögu er að segja um vörur Hollustu úr hafinu sem bætir stöðugt við vöruúrvalið enda hafa viðtökur neytenda verið mjög góðar. Að baki framleiðslunni liggur áralangt rannsóknarferli vísindamannsins Eyjólfs Friðgeirssonar sem hefur með þrautsegju og óstöðvandi áhuga hrutt verkefninu af stað og komið vörum sínum á markað.

Hollusta úr hafinu ehf hefur safnað og unnið þara og unnið úr honum holla matvöru. Þaranum er safnað í hreinum ómenguðum fjörum og hann verkaður og unninn við bestu aðstæður. Hann er þurrkaður við lágan hita til þess að hann tapi sem minnst af hollustuefnum.
Rannsóknastofan Sýni ehf. hefur annast efnagreiningar og úttekt á örverum.

Hollusta úr hafinu ehf vinnur að því að endurvekja þjóðlega hefð í matargerð með því að stuðla að neyslu á hollu og gómsætu sjávarfangi. Sjávargróður er hollur matur og hluti af matarmenningu hér á landi. Notkun sjávargróðurs spratt af sömu rótum og notkun fjallagrasa og hvanna, skortur var á mjöli og þarategundir góðar til að drýgja það bæði í grauta og brauð. Þessi notkun var snar þáttur í matarvenjum okkar og var jafn þjóðleg fæða og slátur, svið, hákarl o. fl. Sjá vef Hollustu úr hafinu.

Náttúrumarkaðurinn býður nú til sölu fjölda vörutegunda Hollustu úr hafinu, Sjá:

Fjallagrös 20 gr., Fjallagrös 50 gr., Grasasósa, Fjörugrös, Marínkjarni, Söl möluð, Söl heil, Stórþari malaður, Stórþari heill, Íslenskir þarar í bað, Íslenskt baðsalt, Íslenskst baðsalt með þara, Nátthagi - Íslenskt jurtate, Ristaður beltisþari, Sölvasósa og Þarasósa.

(Sjá nánar í deildunum Sjávarfang, Heilsuvörur og Snyrtivörur á Náttúrumarkaði hér t.h. á síðunni). Einnig eru margar skemmtilegar uppskriftir frá Hollustu úr hafinu að finna hér á vefnum. Sjá t.d.: Tófúsósa, Puree-sósa, Bleikja með sölvasósu og vínberjum, Latabæjarstappa með ristuðum beltisþara og Fljótlegt og gómsætt.

nánar
  • Deildu með vinum

Súpueldhús í hádeginu - Á næstu grösum

Svangir vegfarendur í miðborginni voru búnir að torga eitthundrað lítrum af ókeypis súpu  í veitingahúsinu Á næstu grösum um tvö leytið í dag. Boðið var upp á ókeypis heita grænmetissúpu í dag  til að lífga upp á sálina. Sæmundu Kristjánsson  veitingamaður segir þetta ekki kreppusúpu heldur meira svona sálarsúpu. Uppátækið fékk frábærar undirtektir og var setið við öll borð á staðnum, í öllum gluggakistum og inni á klósettum sat meira að segja fólk með súpuskálar.

Með uppátækinu vildi veitingastaðurinn að sjálfsögðu einnig vekja athygli á hollustu lífrænna afurða og mikilvægi góðrar næringar á grunni lífrænna afurða.

meira
  • Deildu með vinum

Heilsufæði, hvað er það?

Mikilvægi mataræðis

Matur er sá umhverfisþáttur sem hefur hvað mest áhrif á lífeðlisfræðilegt kerfi okkar.  Meginlýðheilsuvandamál í heiminum eru ofneysla og vannæring, hjarta- og æðasjúkdómar, krabbamein og sýkingar. Mataræði hefur afgerandi áhrif á alla þessa þætti. Lélegt mataræði eykur hættu á langvinnum sjúkdómum og talið er að rétt mataræði geti haft fyrirbyggjandi áhrif og hjálpað til og/eða flýtt fyrir lækningu. Talið er að heilsuvörur, sem hluti af hollu mataræði, gætu komið þar sterkar inn sem hugsanleg lausn til að fyrirbyggja eða lækna sjúkdóm.

„Látið mat vera ykkur lyf og lyf ykkur matur“

Á tuttugustu öldinni varð vakning um mikilvægi mataræðis til að fyrirbyggja sjúkdóma og bæta heilsu. Fyrstu 50 ár síðustu aldar var lífsnauðsynleika bætiefna gerð skil s.s. vítamínum og hlutverki þeirra við að fyrirbyggja hörgulsjúkdóma. Sú kenning að matur geti haft meðferðarlegt gildi gegn sjúkdómum var þó ekki ný á nálinni. Um 2500 árum fyrr hafði Hippocrates, faðir læknisfræðinnar mælt: “Látið mat vera ykkar lyf og lyf vera ykkar mat.” Sú heimspeki lá niðri á 19. öld þegar nútímalyf hófu innreið sína (Hasler, 2002). Á síðari hluta tuttugustu aldarinnar var ofneysla orðin mikið lýðheilsuvandamál og voru ýmsir sjúkdómar tengdir við hana. Þetta varð til þess að fjöldinn allur af lýðheilsufræðilegum ráðleggingum var settur fram til að afstýra þessari óviðunandi þróun. Þessar ráðleggingar miðast við almenna stefnu og fræðslu sem undirstrikar mikilvægi þess að borða lítið af mettaðri fitu en mikið af grænmeti, ávöxtum, grófu korni og baunum til að minnka áhættu á langvinnum sjúkdómum á borð við hjartasjúkdóma, krabbamein, beinþynningu, sykursýki og heilablóðfall (WHO, 2003).

meira
  • Deildu með vinum


1 síða 1 2

Náttúrumarkaður

Nýleg orð í belg


1984 fann ég á annað hundrað fjögurra blaða smára hjá Norræna húsinu í Reykjavík. Ég ...
Sigurjón Helgi Kristjánsson 10. 03. 2010 12:11:
grein: Hvítsmári og fjögurra blaða smári
Til hamingju með þessa nýjung. Gaman að sjá hve fjölbreytt síðan er orðin hjá ykkur ...
Bergþóra Hlíðkvist Skúladóttir 10. 03. 2010 09:54:
grein: Hver tekur við hverju til endurvinnslu?
Ég kíkti aðeins á rammaáætlunina og sá hvergi verndargildismat. Er einungis verið að kynna þá ...
Sólveig 9. 03. 2010 12:38:
grein: Kynningarfundir og umsagnarferli 2. áfanga Rammaáætlunar að hefjast
Sjá Ákallið hans Ómars um þjóðarsátt: http://www.natturan.is/greinar/191/
Guðrún Tryggvadóttir 27. 02. 2010 11:50:
grein: Náttúruverndarviðurkenning Sigríðar Tómasdóttur veitt í fyrsta sinn
Það er grein um Sigríði í Brattholti í Sögu, tímariti Sögufélagsins. http://www.sogufelag.is/timarit/saga_41_2_efnisyfirl.htm http://www.sogufelag.is/timarit/saga.htm
Pétur Þorleifsson 27. 02. 2010 10:55:
grein: Náttúruverndarviðurkenning Sigríðar Tómasdóttur veitt í fyrsta sinn
Mig langar bara til þess að þakka fyrir þessa frábæru vefsíðu, algjör brunnur upplýsinga og ...
Gerður Pálmadóttir 26. 02. 2010 18:46:
grein: Samband við Náttúruna
Það er merkilegt samkvæmt punkti eitt að kærendur eiga að tilgreina hvaða virkjanir eiga að ...
Pétur Þorleifsson 29. 01. 2010 18:21:
grein: Suðvesturlínur ekki í sameiginlegt mat