Olíutunnan – oildrum.com hefur sett fram áhugaverðar upplýsingar um það hve mikla orku þarf til að framleiða mismunandi fæðutegundir; Ég setti gögnin upp í súlurit (sjá hér að ofan) og í ljós kom að flestir ættu að hugsa sig um og gerast Vegan eða grænmetisætur a.m.k. á virkum dögum; ostur þarfnaðist álíka mikillar orku í framleiðslu eins og kjöt.

Tafla 2: Skilvirkni orkunýtingar fyrir ýmsar mismunandi fæðutegundir (Mælt sem:  Fæðukaloríur/Orka sem er notuð við framleiðslu)

Tafla tvö sýnir samanburð á skilvirkni orkunýtingar við framleiðslu ýmissa matvæla. Eftirfarandi er sérstaklega eftirtektarvert:
Það þarf um 25 sinnum meiri orku til að framleiða eina kaloríu af nautakjöti en að framleiða eina kaloríu af korni til manneldis. Mjólkurvörur eru almennt nokkuð skilvirkar orkulega séð þar sem þær innihalda margar kaloríur miðað við rúmmál. Þeir sem aðhyllst Vegan mataræðið geta verið stoltir af því að mataræði þeirra felur í sér um 90% minni orkunotkun en hið almenna bandaríska mataræði gerir. Jafnvel þeir sem borða einungis egg og mjólkurvörur geta haldið því fram að þeir nýti orku til framleiðslu matvæla mjög skynsamlega.

Þannig að osturinn er ekki svo slæmur sé horft á það hversu margar kaloríur eru í hverju oststykki. Kannski er nóg að vera grænmetisæta á virkum dögum og taka þannig skref í átt til þess að bæta umhverfið. Meiri upplýsingar er að finna á síðunni The Oil drum www.oildrum.com.

Súlurit og tafla teiknaðar og íslenskaðar eftir fyrirmynd á theolidrum.com, Guðrún Tryggvadóttir Náttúran.is.

Til þess að auðvelda innkaup á vörum og þjónustu sem eru síður skaðleg umhverfi og heilsu hefur Náttúran.is tekið saman 11 viðmið sem spanna veigamestu þættina. Viðmiðin eru einföld og hjálpa til að nálgast markmiðið, það er að velja bestu vöruna út frá sjónarmiði heilsu, umhverfis og jafnvel félagslegum aðstæðum sem í daglegu tali eru nefnd sjálfbær þróun.
Viðmiðin eru: Orka, eldsneyti, vatnsnotkun, ofnæmi, tilbúin efni, þungmálmar, öryggisblað, umhverfismerkingar, siðgæðisvottun, vinnuumhverfi og endurvinnsla.

Í lífrænni ræktun felst að varan hefur verið ræktuð án skordýraeiturs og tilbúins áburðar þar sem fylgt er reglugerð Evrópusambandsins um lífræna ræktun. Innan Evrópusambandsins er bannað að kalla vörur „lífrænt ræktaðar“ nema þær uppfylli reglugerð sambandsins. Merkingin metur ekki umhverfisáhrif vörunnar eða umbúða hennar. Mælt er með að keyptar séu lífrænar vörur ræktaðar á Íslandi frekar en erlendar sem hafa verið fluttar langar leiðir. Vottunarstofan Tún sér um lífrænar vottanir á Íslandi.

Sjá „lífrænu búðina“ hér á vefnum og aðila með lífræna vottun á Íslandi hér á „grænum síðum“.

Orð dagsins 14. október.

Ný bandarísk rannsókn bendir til að efnið bisphenol-A, sem m.a. er blandað í hart og glært pólýkarbónatplast, sem m.a. er notað í pela og drykkjarmál fyrir börn, sé hættulegra en hingað til hefur verið talið. Í þessu sambandi beinast sjónir manna einkum að hugsanlegum skaðlegum áhrif efnisins á heila og blöðruhálskirtil ófæddra og nýfæddra barna. Niðurstöður rannsóknarinnar eru umdeildar, bæði austan hafs og vestan, en danska upplýsingamiðstöðin um umhverfi og heilsu (IMS) hefur ráðlagt foreldrum að hafa vaðið fyrir neðan sig og velja pela úr gleri eða öðru plasti en pólýkarbónati. Pólýkarbónat er auðkennt með tölunni 7 innan í plastþríhyrningi (sjá mynd).
Lesið frétt á heimasíðu IMS í gær

Lífrænar matvörur, þ.á.m. ávextir, grænmeti og mjólk, geta verið næringarríkari en matvörur sem ekki eru lífrænar, samkvæmt breskri rannsókn vísindamanna.

Fyrstu niðurstöður úr 12 milljóna punda rannsókn sýndu fram á að lífrænir ávextir og grænmeti innihéldu 40% meiri andoxunarefni, samkvæmt Carlo Leifert, prófessor við háskólann í Newcastle sem stjórnar verkefninu Quality Low Input Food.
Meiri munur fannst í mjólk, þar sem lífræn mjólk inniheldur 60% meiri andoxunarefni og hollar fitusýrur en venjuleg mjólk.

Matvörur sem eru ríkar af andoxunarefnum eru taldar hollari þar sem niðurstöður vísindarannsókna sýna að andoxunarefni vinni vel gegn frjálsum stofnstæðum, svokölluðum radikölum, sem stuðla að öldrun.

Þessar uppgötvanir stangast á við ráðleggingar Food Standards Agency, þar sem því er haldið fram að það séu engar vísindalegar sannanir þess efnis að lífrænar matvörur séu hollari.

Á meðan á fjögurra ára rannsókninni stóð, ræktuðu prófessor Leifert og aðstoðarmenn hans lífrænt og ólífrænt grænmeti og ávexti út um alla Evrópu. Einnig var 293 hektara bóndabær samliggjandi við háskólann.

Í lífrænni ræktun felst að varan hefur verið ræktuð án skordýraeiturs og tilbúins áburðar þar sem fylgt er reglugerð Evrópusambandsins um lífræna ræktun. Innan Evrópusambandsins er bannað að kalla vörur „lífrænt ræktaðar“ nema þær uppfylli reglugerð sambandsins. Merkingin metur ekki umhverfisáhrif vörunnar eða umbúða hennar. Fjöldinn allur af virtum lífrænum vottunarmerkjum eru til í heiminum.

Sjá hina ýmsu flokka lífrænna vottuna hér á Grænum síðum.
Sjá hina ýmsu flokka inna lífrænnar vottunar Vottunarstofunnar Túns á íslenskum afurðurm.
Sjá dæmi um ýmsar lífrænt vottaðar vörur hér á Náttúrumarkaði.