Náttúran.is

Allraheilagramessa

Hún er 1. nóvember og átti að vera messudagur allra þeirra sannheilögu manna, sem ekki höfðu fengið sinn sérstaka dag í kirkjuárinu. Daginn eftir er svo allrasálnamessa. Þá átti að biðja fyrir sálum þeirra fátæklinga, sem ekki höfðu haft nein efni á því að gefa svo mikið fé til kirkna, að prestar syngju sérstaka sálumessu fyrir þeim til að stytta dvölina í hreinsunareldinum. Það er því greinilegt, að fyrstu tveir dagar nóvembermánaðar voru í katólskum sið einkum helgaðir aumum og fátækum.

Í fornum bókum íslenskum er allraheilagramessa mjög oft getið, og má af því ráða, að hún hefur verið stórhátíð og mikill viðmiðunardagur. Til dæmis um það hve sérstakur hátíðisdagur erfiðismanna hún hefur verið, er ákvæði frá því um 1200 í máldaga eða reglugerð fyrir ferju á Ölfusá hjá Kaldaðarnesi. Þar eru m.a. tilgreindir þrír einir dagar á ári, sem ferjumaður er ekki skildugur að sinna starfi sínu. Það er páskadagur, vígsludagur sóknarkirkju hans og allraheilagramessudagur. Auk þess erum það stuttort ákvæði í þjóðveldislögnunum, að fyrir þann dag skyldu hinir efnaðri menn gefa hjúum sínum og öðrum fátækum ríflega af mat.
Það er því harla sennilegt, að um það hafi orðið samkomulag milli kirkjuyfirvalda og almúga að færa vetrarfagnaðinn fram til þessara verndardaga hinna fátæku. Þá var sláturtíð líka án nokkurs vafa lokið, jafnvel þótt hún hæfist ekki fyrr en um það leyti, því að þá væru dilkar vænstir til frálags.

Einkunn

Jóga að hefjast hjá Kristbjörgu

Kristbjörg Kristmundsdóttir blómadropaþerapisti og jógakennari með meiru er að fara af stað með jóganámskeið vetrarins.

Jóga frá og með 19. september:

Jógatímarnir vinsælu eru haldnir í Gerðubergi á mánudögum og miðvikudögum frá kl. 17:15 til 18:30 og hefjast þ. 19. september.

6 vikna Yamajóga námskeið frá 21. til 26. september:

Yama jóga námskeið er haldið í Gerðubergi á miðvikudögum frá kl 18:45 til 21.00 og hefst 21. þ. september. Þetta er ekki jóga á dýnu heldur sjálfsvinnuprógram þ.e.a.s. við erum að skoða okkur sjálf í samskiptum okkar við aðra og okkur sjálf. Kristbjörg fer djúpt í yömurnar og 12 spora kerfið ásamt fleiru. Þetta er grunnnámskeið en í framhaldinu verða síðan haldin Niyama- og Bhakti jóga námskeið. Í yama jóga er gert ráð fyrir að nemandinn vinni fjölbreytt heimaverkefni ásamt því að anda og hugleiða eftir ákveðinni tækni sem Kristbjörg mun kenna á námskeiðinu. Þetta námskeið hefur hjálpað mörgum að taka til í lífi sínu og bæta andlegu líðan sína. Margir öðlast frelsi frá ýmsu sem þjakaði þau áður.

Umbreyting og Orka í Bláfjöllum 7. - 9. október:

Þetta námskeið er fyrir þá sem vilja kafa djúpt í gegnum líkamann sinn, við gerum mikið jóga, dönsum, hugleiðum, vinnum tifinningavinnu, slökum, nærum okkur og skoðum samhengi lífsins á þessu námskeiði.

Kristbjörg óskar þess að haustið blessi ykkur með sínum fallegu gjöfum og að þið blómstrið sem aldrei fyrr.

Skráning og nánari upplýsingar hjá kristbjorg@kristbjorg.com.

Ljósmynd: Kristbjörg að kynna blómadropana sína, ljósm. Guðrún A. Tryggvadóttir

Einkunn

Litlu álfaspáspilin

Litlu álfaspáspilin komu út um Jónsmessuna árið 2009. Þessi einstöku spil eru gerð af Ragnhildi Jónsdóttur myndlistarmanni og spámiðli en Raghnhildur byggir spilin á sambandi sínu við álfheima og íslenska náttúru en Ragnhildur er í þann mund að opna LItla álfahúsið, nýtt álfasetur í Hellisgerði í Hafnarfirði.

Í inngangi í litla bæklingnum sem fylgir stokknum með Litlu álfaspáspilunum segir:

„Á Íslandi hefur trú á álfa og hulduverur fylgt okkur frá upphafi landnáms. Landnámsmenn hafa tekið þessa trú með sér frá Írlandi og Noregi eða skulum við segja höfðu næmnina og viljann sem þarf til að upplifa þetta líf í Náttúrunni. Margir eru tengdir þessum verum enn í dag en þora varla að tjá sig um það eða taka því sem léttri ímyndun.

Það er frjálst val þitt hvort þú lítur á þessar sögur sem ævintýri eða hvort þú tekur þeim sem sannleika. En hugsaðu um það næst þegar þú horfir á hraunklett eða holtagrjót, ...býr kannski heil fjölskylda þarna?

Ég ólst upp í nágrenni Hellisgerðis í Hafnarfirði. Sá garður er þéttbyggður hinum ýmsu hulduverum. Þessar verur voru hluti af æsku minni, hluti af leikfélögunum.“

Í bæklingnum eru leiðbeiningar um hvernig spilin eru notuð og útskýringatexti fyrir hvert spil, bæði á íslensku og ensku. Hægt er að spyrja spilin spurninga eins og; Hvaðan kem ég? Hvað tek ég með mér áfram? Hver er staða mín? Hvað gerist næst? O.s.fr. en litlu álfaspáspilin eiga að hjálpa okkur að finna svörin við þessum spurningum innra með okkur.

Spilin fjalla um táknmyndir eins og:

Trjáveru, Dverg í hól, Álft, Vatnadís, Stein í veginum, Hreiðurgerð, Hellisgerði, Huldukonuna Púldu, Blómagarð, Hulduverur, Kríu, Vind, Landslag, Fjársjóðskistu, Fræðarann í Hvalfirði, Kisur, Íslenskan fjárhund, Fugl í sjálfsköpuðum vanda, Svartálfa, Dverginn og blómið, Fjallatívi, Krumma, Þingvelli, Uglu, Hvönn, Verndarengil o.fl.

Hægt er að kaupa Litlu álfaspilin hér á Náttúrumarkaði.

Einkunn

„Græn syndaaflausn“ í Fríkirkjunni

Fríkirkjan við Tjörnina er græn og grasrótarvæn og tekur auk þess þátt í Grænum apríl, sem sannkallaður „grænjaxl“.
Allt frá stofnun árið 1899 hefur Fríkirkjan við Tjörnina verið  íslensk grasrótarhreyfing.  Stofnun Fríkirkjunnar gegndi mikilvægu hlutverki í sjálfstæðisbaráttu íslensku þjóðarinnar.  Hún var miðlæg í þeirri lýðræðisvakningu sem átti sér stað hér á landi um aldarmótin 1900 og árin þar á eftir.

Fríkirkjusöfnuðurinn við Tjörnina hefur leitast við að vera trúr uppruna sínum með því að leggja áherslu á eftirfarandi gildi sem eru m.a:  frelsi, lýðræði og jafnræði í hinni samfélagslegu umgjörð.  Og hvað varðar trúarlega sýn þá hefur víðsýni, umburðarlyndi og frjálslyndi verið haft að leiðarljósi frá upphafi. Þúsundir Íslendinga hafa gerst meðlimir undanfarin ár og augljóst er að margfalt fleiri taka undir áherslur okkar.  Fríkirkjan metur mannréttindi ofar trúarlegum kreddum.
Markmið hennar er m.a. að stuðla að lýðræðislegu jafnræðisfyrirkomulagi lífsskoðana og  trúmála hér á landi.  Hennar tilgangur er m.a. að vera vettvangur fyrir einlæga trúarleit, tilbeiðslu og tjáningu, þar sem fólk sameinast um bjarta lífssýn, fagrar vonir og væntingar í anda Krists.  Þegar hugað er að vonum og væntingum þá er ljóst að náttúru- og umhverfisvernd er eitt brýnasta verkefni sem samfélag okkar stendur frami fyrir í dag. Þess vegna vill Fríkirkjan við Tjörnina taka virkan þátt í þeirri vitundarvakningu sem fellst í átakinu Grænn Apríl.

Jörðin er ekki einnota.  Við þurfum að vakna upp til vitundar um ráðsmennskuhlutverk okkar hér á jörðunni.  Við erum ekki kölluð til að drottna yfir lífríkinu heldur til að viðhalda því, hlúa að því og varðveita.  Við höfum valdið skaða í hafinu, á jörðu og í andrúmsloftinu og nú þurfum við að axla okkar ábyrgð. Það sem Guð gefur, er okkar að fara vel með.  Okkur ber að vernda lífríkið og náttúruna og fara vel með auðæfi jarðar.

Miðvikudagskvöldið þann 27. apríl kl. 20:00 verður efnt til samveru í Fríkirkjunni í Reykjavík undir yfirskriftinni UMHVERFISHUGLEIÐING.  Þar verður kastljósinu sérstaklega beint að umhverfismálum bæði í tali og tónum. Dagsráin verður auglýst síðar er víst er að hún verður fjölbreytt og áhugaverð.

Heimasíða Fríkirkjunnar.

Sjá alla þátttakendur í Grænum apríl hér á Græna Íslandskortinu.

Einkunn

Umhverfi og vellíðan boðar til aðalfundar

Félagið Umhverfi og vellíðan heldur aðalfund sinn í Menningarmiðstöðinni Gerðubergi þ. 1. nóvember nk. kl. 20:00.

Dagskrá:

1. Venjuleg aðalfundstörf
2. Erindi - Páll Líndal doktorsnemi í Umhverfissálarfræði.
   „Streita og umhverfi sjúkrastofnanna“.
   Í fyrirlestrinum mun Páll ræða um umhverfi sjúkrastofnana og hversu lítið er horft til sálfræðilegra þátta í því samhengi. Græn svæði kringum spítalana eru illa nýtt en þau mætti nýta miklu, miklu betur í lækningarskyni. Nálægð við græn svæði skiptir þar höfuðmáli og hönnun þeirra þarf að lúta ákveðnum reglum í því samhengi.
3. Verkefni samtakanna kynnt; a) Guðrún Ástvaldsdóttir segir frá gróðursetningu með börnum við Engjaskóla.
   b) Morten Lange greinir frá verkefni sem unnið er í samvinnu við bíllausan lífstíl. Samtökin munu ásamt þeim standa að fegrun hluta reiðhjólastígs í Grafarvogi.
   c) Rut Káradóttir og Páll Líndal segja frá verkefni samtakanna á göngudeild Landspítalans.
   d) Auður I. Ottesen segir frá gróðursetningargjörningi með foreldrum og starfsfólki leikskólans Nóaborg, en þar voru settir niður berjarunnar og ávaxtatré.

Markmið Samtaka áhugafólks um umhverfi og vellíðan eru meðal annars að skapa vettvang fyrir umræður, fróðleik og átaksverkefni á sviði umhverfismála. Á slíkum vettvangi geta ólíkir geirar samfélagsins deilt hugmyndum og miðlað af reynslu, sem gæti leitt af sér frjóa umræðu, hvatt til rannsókna, fræðandi skrifa, fræðslu og ábendinga sem leiða til umbóta. Slíkt leiðir mögulega til hvers kyns samvinnu og samheldni, auk þess sem nýir vinklar eða forsendur skapast. Hugmyndin er að stilla saman strengi þeirra sem láta sig varða umhverfisgæði og áhrif umhverfis á vellíðan. Samtökin mynda einnig þrýstihóp með áherslu á að sjónarmið umhverfisgæða og lýðheilsu fái meira vægi í þjóðfélagsumræðunni. Samtökin hafa frá stofnun staðið fyrir ýmsum verkefnum sem tengjast umhverfi og vellíðan. Þar á meðal eru verkefni í nærumhverfi Engjaskóla í Grafarvogi, rannsókn og umhverfisbreytingar á göngudeild krabbameinsdeildar Landspítala háskólasjúkrahúss, bætt umhverfi hjólreiða- stíga, berja og aldinrunnar á leiksólalóðir og verkefni sem kallast Heilnæmir garðar.

Formaður samtakanna Umhverfi og vellíðan er Auður I. Ottesen audur@rit.is.

Ljósmynd: Drengir rúlla drumbi. Gróðursetningarverkefni Guðrúnar Ástvaldsdóttur með börnum við Engjaskóla, Guðrún Ástvaldsdóttir tók myndina.

Einkunn