Náttúran.is

Litlu álfaspáspilin

Litlu álfaspáspilin komu út um Jónsmessuna í fyrra. Þessi einstöku spil eru gerð af Ragnhildi Jónsdóttur myndlistarmanni og spámiðli en Raghnhildur byggir spilin á sambandi sínu við álfheima og íslenska náttúru.

Í inngangi í litla bæklingnum sem fylgir stokknum með Litlu álfaspáspilunum segir:

„Á Íslandi hefur trú á álfa og hulduverur fylgt okkur frá upphafi landnáms. Landnámsmenn hafa tekið þessa trú með sér frá Írlandi og Noregi eða skulum við segja höfðu næmnina og viljann sem þarf til að upplifa þetta líf í Náttúrunni. Margir eru tengdir þessum verum enn í dag en þora varla að tjá sig um það eða taka því sem léttri ímyndun.

Það er frjálst val þitt hvort þú lítur á þessar sögur sem ævintýri eða hvort þú tekur þeim sem sannleika. En hugsaðu um það næst þegar þú horfir á hraunklett eða holtagrjót, ...býr kannski heil fjölskylda þarna?

Ég ólst upp í nágrenni Hellisgerðis í Hafnarfirði. Sá garður er þéttbyggður hinum ýmsu hulduverum. Þessar verur voru hluti af æsku minni, hluti af leikfélögunum.“

Í bæklingnum eru leiðbeiningar um hvernig spilin eru notuð og útskýringatexti fyrir hvert spil, bæði á íslensku og ensku. Hægt er að spyrja spilin spurninga eins og; Hvaðan kem ég? Hvað tek ég með mér áfram? Hver er staða mín? Hvað gerist næst? O.s.fr. en litlu álfaspáspilin eiga að hjálpa okkur að finna svörin við þessum spurningum innra með okkur.

Spilin fjalla um táknmyndir eins og:

Trjáveru, Dverg í hól, Álft, Vatnadís, Stein í veginum, Hreiðurgerð, Hellisgerði, Huldukonuna Púldu, Blómagarð, Hulduverur, Kríu, Vind, Landslag, Fjársjóðskistu, Fræðarann í Hvalfirði, Kisur, Íslenskan fjárhund, Fugl í sjálfsköpuðum vanda, Svartálfa, Dverginn og blómið, Fjallatívi, Krumma, Þingvelli, Uglu, Hvönn, Verndarengil o.fl.

Einkunn

Fyrstu sjö æviárin

Eðlilega upplifum við hverja fæðingu sem nýja byrjun. Og öll höfum við hafið lífsbraut okkar sem lítið barn. En er það ekki grípandi þetta augnatillit sem getur mætt okkur, þegar lítið barn horfir beint í augu okkar? Svo mikil alvara, slíkur þroski og íhygli er mætir okkur. Ég upplifi oft á slíku augnabliki sterka andlega nærveru, já eiginlega égkraft. Og þá er fyrir mér staðfest, að einstaklingseðli mannsins, það verður ekki fyrst til með fæðingunni til þess að þroskast síðan smám saman, nei, það er með frá byrjun. Þegar manneskja fæðist, þá kemur hún einhversstaðar frá, úr andlega heiminum. Einstaklingseðli mannsins stígur þá niður úr heimi, sem er gjörólíkur hinum efnislega hversdagsheimi. Í andlega heiminum er allt eining, allt eftirtekt, þýðing og skilningur. Þú ert það sem þú upplifir, þú ert algjörlega inni í því sem þú mætir, umgengst með. Í andlega heiminum er hið sanna ég mannsins og allar mætingar við aðrar verur eru hinar innilegustu beinu égupplifanir.

Ég reyni að lýsa þessu vegna þess að slíkir eiginleikar og kraftar eru enþá virk í litla barninu. Barnið litla hefur rétt yfirgefið þetta andlega svið, en sem áhrif afla er það enn að finna umhverfis það. Þessi andlegi égkraftur líkt og geislar inn í litla barnið og gerir að barnið leitar fyrst og fremst með athygli sinni til annarra égvera, á mjög ákafan en einnig afar mismunandi hátt til að geta fundið það mikilvæga. Og hamingjusamt bros, svarar brosi okkar, þegar við full gleði mætum þessari ætlan. Þessi andlegi égkraftur veitir síðan eftirtekt hvernig við hreyfum okkur, hvernig við stöndum og göngum. Athygli þýðir ávallt, að maður vill verða hluti þess sem vekur athyglina, maður tengist því, reynir að verða eins. Barnið líkir eftir, það hermir segjum við, en eiginlega gerir það áfram eins og það gerði í andlega heiminum, þar sem maður er það sem maður veitir athygli. Þannig lærir barnið málið, með því að ,,bráðna inn“ í það sem við segjum, láta það verka í sér, láta hljóðin móta talfærin, vöðvana í barkakýlinu, sem geta síðan virkað eins og þeir gera hjá fullorðnum. Og þegar barnið lærir málið og síðan hugtökin, lærir að hugsa, þá gerist það ekki þannig að maður verði fyrst að þekkja bókstafina, til að tengja þá síðan saman í orð og setningar. Nei, því er öfugt farið. Eiginlega ætti maður að reyna að skilja að litla barnið skilur allt, eins og það þekkir allt, til þess að fara síðan að aðgreina meira og meira. Fyrst andlega meiningin í aðstæðunum, síðan einstök setning, til að skilja að lokum einstök orð og einstaka reynslu. Úr hinu alltumlykjandi til hins meira sérhæfða.

Einkunn

Listin að lifa - Yoga, öndunartækni, hugleiðsla

Art of living er „öndunartækni“, sem er streitulosandi og hefur reynst vel sem áfallahjálp. Aðferðin hefur m.a. verið notuð eftir flóðbylgjuna miklu í Asíu, eftir stríðið í Kósóvó og á Haítí eftir jarðskjálftann mikla þar núna í vor. Art of Living, AOL, er öndunartækni og hugmyndafræði, sem Sri Sri Ravi Shankar  er höfundur að. Upprunnið úr fræðum Yoga, Bhagavad Gita,  og öðrum indverskum Vedic fræðum og heimspeki.

AOL Art of Living kynning verður haldin að Heimalandi í Rangárþingi eystra, þann 29. júní, kl: 21:00 - 22:00 og eru allir velkomnir. Aðgangur er ókeypis.

„Hugsanir okkar er á endalausu flakki milli fortíðar og framtíðar. Við höfum áhyggjur af einhverju sem sem koma skal eða erum að velta okkur uppúr einhverju sem er löngu liðið. Þetta framkallar streitu í líkamanum. Ef við erum í núinu og náum að kyrra hugann tekst okkur mun betur að takast á við lífið. Einbeiting eykst og lífsgæði aukast.“

En hvernig förum við að því að kyrra hugan? Fæstir vita að líkaminn býr yfir einstöku „tæki“ til að losna við stress þ.e: „öndunina“. Já flest okkar nýta einungis lítinn hluta af öndunni og anda bara af gömlum vana og gera sér ekki grein fyrir mætti markvissrar öndunar.

Art of living öndunartæknin getur gagnast þér á eftirfarandi hátt:

• Þú lærir æfingar sem að stuðla að betra jafnvægi á milli líkama, sálar og huga
• Þú lærir tækni til þess að losna við neikvæðar hugsanir og tilfinningar
• Getur minnkað stress og kvíða
• Getur bætt heilsu og eykur orku
• Getur bætt einbeitingu og  sjálfsöryggi
• Þú getur öðlast betri sjálfsþekkinu

Sjá nánar um AOL á www.arofliving.is.

Mynd: AOL félagar á Íslandi.

Einkunn

Lífsvefurinn - nám fyrir konur

Enn er hægt að komast að á námskeiðin í Lífsvefnum sem hefjast á Akureyri þ. 3. febrúar og í Reykjavík þ. 5. febrúar. Í bígerð er líka námskeið í Skagafirði ef þátttaka næst.
Byrjað verður með 20 klukkustunda grunnnámskeiði sem hægt er að fylgja eftir með 40 klukkustunda framhaldsnámi.

Lífsvefurinn – sjálfsstyrkingarnámskeið fyrir konur

Lífsvefurinn er nám fyrir konur sem vilja læra að þekkja sjálfar sig betur og ná að vefa hinn margþætta vef lífsins á markvissan hátt í einkalífi og starfi.  Þetta nám hentar afar vel fyrir konur sem í störfum sínum styðja við aðrar konur.

Helstu efnisþættir námskeiðsins eru: sjálfsþekking, sjálfsmynd og samskipti; saga, hlutverk og staða kvenna; heilsa kvenna og tilfinningar; draumar og goðsagnir; fyrirmyndir og fordómar.
Markmiðin eru m.a. að: læra að þekkja og virða sjálfa sig; læra að greina og vinna úr því sem er erfitt og setja sér raunhæf markmið;  læra leiðir til skapandi samskipta;  styrkja jákvæða kvenímynd/sjálfsmynd sína;  og þekkja sögu sína, lífsgildi, lífstilgang, rétt sinn og skyldur.

Lífsvefurinn var upphaflega (1991) ofinn af þeim Valgerði H. Bjarnadóttur og Karólínu Stefánsdóttur, sem báðar eru félagsráðgjafar með mikla reynslu af vinnu með konum.  Lagt var af stað með 20 klst námskeið sem enn er haldið reglulega á ýmsum vettvangi. Námsefnið hefur síðan vaxið og þróast eins og eðlilegt er og nú er einnig boðið upp á heildstætt  60 klst. nám yfir lengri tíma. Haustið 2009 hafa tveir kvennahópar verið í þessu lengra námi og vegna fjölda fyrirspurna hefur verið ákveðið að leggja af stað með þriðja hópinn norðan heiða og bjóða einnig upp á 60 klst námið á höfuðborgarsvæðinu. Þá verður byrjað með 20 klst grunnnámskeið og síðan gefst konum tækifæri til að bæta við 40 klst framhaldi.

Grunnurinn í Lífsvefnum er heildarhugsun og hringurinn er nýttur sem grunnform. Byggt er á eigin kvenlægri þekkingu og reynslu, skapandi samtali mæðra þessa námsefnis, auk kenninga og hugmynda annarra kvenna og karla með ólíka menntun og sjónarhorn. Við nýtum okkur visku formæðranna sem enn lifir meðal frumbyggja þessa heims, auk þess sem hún lifir í fornum sögnum, goðsögum og ævintýrum. Þessi viska hefur oftar en ekki verið staðfest á síðari árum af nútímavísindarannsóknum.

Áhersla er lögð á að kynna þátttakendum skapandi lífssýn og ekki síst nýja sýn á sjálfar sig og tengsl sín við rætur, núverandi umhverfi og framtíð. Í gegnum ýmsa spegla úr draumum og menningarsögu, goðsögnum, þjóðsögum og ævintýrum, auk blákalds raunveruleikans, opnast gluggar sem veita skilning á stöðu kvenna og hverrar einstakrar konu og útsýni til nýrra möguleika. Þessi þekking verður að uppistöðu sem konurnar nýta til að vefa ný munstur í sinn lífsvef, skapa nýja sögu, um leið og þær læra að nýta efnið í lífi og starfi með öðrum konum og körlum.

*Skráning á vanadis@vanadis.isog nánari upplýsingar um verð á vefnum vanadis.is. og í síma 895 3319.

Einkunn

Lífsvefurinn - nám fyrir konur

Enn er hægt að komast að á námskeiðin í Lífsvefnum sem hefjast á Akureyri þ. 3. febrúar og í Reykjavík þ. 5. febrúar. Í bígerð er líka námskeið í Skagafirði ef þátttaka næst.
Byrjað verður með 20 klukkustunda grunnnámskeiði sem hægt er að fylgja eftir með 40 klukkustunda framhaldsnámi.

Lífsvefurinn – sjálfsstyrkingarnámskeið fyrir konur

Lífsvefurinn er nám fyrir konur sem vilja læra að þekkja sjálfar sig betur og ná að vefa hinn margþætta vef lífsins á markvissan hátt í einkalífi og starfi.  Þetta nám hentar afar vel fyrir konur sem í störfum sínum styðja við aðrar konur.

Helstu efnisþættir námskeiðsins eru: sjálfsþekking, sjálfsmynd og samskipti; saga, hlutverk og staða kvenna; heilsa kvenna og tilfinningar; draumar og goðsagnir; fyrirmyndir og fordómar.
Markmiðin eru m.a. að: læra að þekkja og virða sjálfa sig; læra að greina og vinna úr því sem er erfitt og setja sér raunhæf markmið;  læra leiðir til skapandi samskipta;  styrkja jákvæða kvenímynd/sjálfsmynd sína;  og þekkja sögu sína, lífsgildi, lífstilgang, rétt sinn og skyldur.

Lífsvefurinn var upphaflega (1991) ofinn af þeim Valgerði H. Bjarnadóttur og Karólínu Stefánsdóttur, sem báðar eru félagsráðgjafar með mikla reynslu af vinnu með konum.  Lagt var af stað með 20 klst námskeið sem enn er haldið reglulega á ýmsum vettvangi. Námsefnið hefur síðan vaxið og þróast eins og eðlilegt er og nú er einnig boðið upp á heildstætt  60 klst. nám yfir lengri tíma. Haustið 2009 hafa tveir kvennahópar verið í þessu lengra námi og vegna fjölda fyrirspurna hefur verið ákveðið að leggja af stað með þriðja hópinn norðan heiða og bjóða einnig upp á 60 klst námið á höfuðborgarsvæðinu. Þá verður byrjað með 20 klst grunnnámskeið og síðan gefst konum tækifæri til að bæta við 40 klst framhaldi.

Grunnurinn í Lífsvefnum er heildarhugsun og hringurinn er nýttur sem grunnform. Byggt er á eigin kvenlægri þekkingu og reynslu, skapandi samtali mæðra þessa námsefnis, auk kenninga og hugmynda annarra kvenna og karla með ólíka menntun og sjónarhorn. Við nýtum okkur visku formæðranna sem enn lifir meðal frumbyggja þessa heims, auk þess sem hún lifir í fornum sögnum, goðsögum og ævintýrum. Þessi viska hefur oftar en ekki verið staðfest á síðari árum af nútímavísindarannsóknum.

Áhersla er lögð á að kynna þátttakendum skapandi lífssýn og ekki síst nýja sýn á sjálfar sig og tengsl sín við rætur, núverandi umhverfi og framtíð. Í gegnum ýmsa spegla úr draumum og menningarsögu, goðsögnum, þjóðsögum og ævintýrum, auk blákalds raunveruleikans, opnast gluggar sem veita skilning á stöðu kvenna og hverrar einstakrar konu og útsýni til nýrra möguleika. Þessi þekking verður að uppistöðu sem konurnar nýta til að vefa ný munstur í sinn lífsvef, skapa nýja sögu, um leið og þær læra að nýta efnið í lífi og starfi með öðrum konum og körlum.

*Skráning á vanadis@vanadis.isog nánari upplýsingar um verð á vefnum vanadis.is. og í síma 895 3319.

Myndin er af Valgerði H. Bjarnadóttur.

Einkunn