Náttúran.is

Nýtt frá Móður jörð - Rauðrófugló

Komin er á markað ný vara frá Móður Jörð og nefnist hún „Rauðrófugló“. Rauðrófugló Móður Jarðar er bragðmikil grænmetisblanda sem bragðast vel með villibráð, lambasteikum, svínakjöti og flestum grænmetisréttum. Einnig með ýmsum ostum, t.d. gráðaostum.

Rauðrófur eru þekktar fyrir hollustu og við mælir framleiðandinn Eymundur Magnússon bóndi í Vallanesi með þeim sem hollri viðbót með öllum mat.

Innihald: Rauðrófur, laukur, epli, hrásykur, eplaedik, vatn, engifer, hvítlaukur, kóríander, sjávarsalt, eldpipar.

Á vörunni er auk merki Móður jarðar merki Austfirskra krása en Vallanes er þátttakandi í matarklasanum Austfirskar krásir. Sjá alla meðlimi í Austfirskum krásum hér á Grænum síðum.

Helstu sölustaðir Rauðrófuglóar eru: Melabúðin, Yggdrasill, Krúska, Fjarðarkaup, Heilsuhúsið, Maður lifandi, Brauðhúsið, Hjá Jóa Fel, Blómaval, Hagkaup, Ostabúðin Skólavörðustíg, Ostahúsið, Búrið Nóatúni 17 og Café Valný og Samkaup á Egilsstöðum.

Einkunn

Nýtt merki Móður Jarðar

Móðir Jörð, lífrænt vottað framleiðslufyrirtæki Eymundar Magnússon í Vallanesi á Héraði, hefur nú tekið upp nýtt merki.

Merkið er hannað af Igor hjá Designgroup Italia í Mílano.

Tilgangurinn með nýja merkinu er að senda einfaldari og skýrari skilaboð um nálægð Móður Jarðar við móður jörð, ef svo má að orði komast.

Það mun taka nokkurn tíma að skipta út umbúðum á öllum vörum svo til að byrja með verða báðar útgáfurnar í gangi.

Sjá nánar um Móður Jörð á vef fyrirtækisins www.vallanes.net. Heilsa sér um drefingu á vörum Móður Jarðar.

Sjá Móður Jörð hér á Grænum síðum en nokkrar vörutegundir Móður Jarðar eru til sölu hér á Náttúrumarkaði. Birkiolía, Blágresisolía, Lífolía, og lífrænt byggmjöl.

Einkunn

Smáskammtar frá Jörth

Jörth er nýtt fyrirtæki í eigu Birnu Ásbjörnsdóttur en hún er menntaður smáskammtalæknir (hómópati) frá The College of Practical Homeopathy, London. Hún hefur einnig menntað sig í næringarþerapíu (Nutritional therapy) og einstaklingsráðgjöf (Counseling).

Jörth ehf. er staðsett að Sólheimum í Grímsnesi og framleiðir og selur náttúruvörur ásamt því að veita ráðgjöf hvað varðar hollt mataræði og heilbrigðan lífsstíl. Fyrirtækið vinnur út frá strangri stefnu um umhverfisvæni bæði á framleiðslustiginu sem og í vali á innihaldsefnum og umbúðum.

Vörurnar - Smáskammtar: 
Allar jurtir eru villtar eða lífrænt ræktaðar og flestar eru þær tíndar hér á landi. Ef um sérstakar jurtir eða önnur náttúruefni er að ræða eru þau innflutt frá birgjum sem eru á svipaðri línu. 
Íslensku jurtirnar eru tíndar á ákveðnum tímum í tengslum við himintunglin en kallast sú tínsluaðferð „lífefld eða biodynamisk” (Sjá skýringar á wikipedia.org/wiki/Biodynamics). 
Þannig er kraftur jurtanna mestur og lækningamátturinn talinn meiri.  

Samsetning Smáskammta frá Jörth er einstök og ekkert í líkingu við þær sem til eru á markaði í dag.  Kenningar á bak við Smáskammtana koma úr nokkrum áttum en má nefna Smáskammtafræðin (Homeopathy), Mannspeki (Anthroposophy) og Næringarþerapíu (Nutritional Therapy).

Einkunn

Sóley organics komið á markað

„Sóley” – spánný íslensk húðsnyrtivörulína, sem er 100% náttúruleg, umhverfisvæn og án allra óæskilegra aukaefna, er nú komin á markað á Íslandi. “Sóley” samanstendur af eyGLÓ andlitskremi, fersk andlitsfroðu, nærð hreinsivatni, hrein andlitsmjólk, mjúk líkamsskrúbbi og GRÆÐIR fjölskyldusjampói, ásamt birkiR, sérstakri herrasápu fyrir húð og hár.

Uppistaðan í “Sóley” eru kraftmiklar villtar íslenskrar jurtir, þar með talið handtínt birki og vallhumall sem saman mynda grunninn í allri nýju húðsnyrtivörulínunni. Þann grunn sótti Sóley Elíasdóttir, eigandi og stofnandi “Sóley”, í aldagamla uppskrift sem varðveist hefur í fjölskyldu hennar til dagsins í dag.

“Sóley” húðsnyrtivörurnar eru framleiddar hjá Fagvörum ehf., matvælaframleiðslufyrirtæki í Hafnarfirði, sem kemur heim og saman við hugsun nútímans sem er á þá lund að allt sem þú berð á húð þína áttu einnig að geta borðað, þótt ekki sé mælt sérstaklega með því. Að auki vinnur “Sóley” nú með alþjóðlegri markaðsstofu í London sem hyggst koma vörum hennar á framfæri erlendis en mikill áhugi er á hreinum húðsnyrtivörum með íslenskum lækningajurtum víða.

Heilsa ehf sér um dreifingu á “Sóley” húðsnyrtivörulínunni. “Sóley” húðsnyrtivörurnar fást í verslunum Lyfju um land allt og í Heilsuhúsinu í Reykjavík, Kópavogi og á Akureyri.

Einkunn

Íslenskar náttúrusápur á Náttúrumarkaði

Á Náttúrmarkaðinum hér á vefnum eru nú hægt að kaupa tvær vörur, Heiðasælu - blóðbergssápu og  Sveitasælu - með íslensku byggi, mjólk og hunangi, frá hinu nýja fyrirtæki „Sælusápum“ í Kelduhverfi sem framleiðir og selur handgerðar íslenskar gæðasápur úr náttúrulegum hráefnum. Uppskriftirnar eru allar hannaðar af frumkvöðlinum Guðríði Baldvinsdóttur sem er sauðfjárbóndi og skógfræðingur að mennt.
Hráefnisöflun er sem mest í heimabyggð og lögð er áhersla á að nota íslensk hráefni svo sem tólg og villtar jurtir. Einnig er notað íslenskt bygg, hunang og mjólk úr þingeyskum kúm. Sjá nánar um Sælusápur og staðsetningu hér á Grænum síðum.

Sjá Heiðasælu og Sveitasælu á Náttúrumarkaði. Ef þú ert að versla í fyrsta skipti hér á vefnum þá skoðaðu hvernig búðin virkar.

Um sápugerð:

Sápa í sinni einföldustu mynd er gerð úr fitum/olíum, vatni og basa (yfirleitt vítissóda NaOH). Þegar þessum innihaldsefnum er blandað saman hefst ferli sem kallast sápun (saponification) þar sem efnahvarf verður milli innihaldsefnanna og úr verður algjörlega nýtt efni : sápa. Enginn vítissódi er til staðar í tilbúnum sápum, því sápuuppskrifti reru yfirleitt yfirmettaðar með olíum, bæði til að tryggja að enginn vítissódi sé til staðar og einnig til að tryggja að sápur séu mildari og að auka olía sé til staðar fyrir aukna húðvernd.

Í nútíma iðnaði er iðulega bætt við ýmsum aukaefnum til að stytta framleiðsluferli, tryggja að vörurnar þoli flutning heimshornana á milli, þoli hnjask og geymslu við misjöfn skilyrði. Því eru oft og iðulega notuð rotvarnarefni, sölt og fylliefni, ásamt því að listi ilm-og litarefna er oft langur.

"Gamaldags" sápur eins og framleiddar eru hjá Sælusápum eru afturhvarf til fortíðar hvað varðar framleiðsluferli og innihald, þó nýtt sé nútímaúrval af gæða olíum til að tryggja að sápurnar séu mildar fyrir húðina.

Einkunn