Náttúran.is

Loftslag og lífríki

Umhverfisstofnun stendur fyrir málþingi um áhrif loftslagsbreytinga á náttúrufar og lífríki þ. 2. desember frá kl. 13:00 til 16:30, á Grand Hotel-Hvammi.

Dagskrá:

13:00 Opnun málþings - Kristín Linda Árnadóttir forstjóri Umhverfisstofnunar

13:10 Losun gróðurhúsalofttegunda, staða og horfur - Christoph Wöll, Umhverfisstofnun

13:30 Hnattrænar loftslagbreytingar og áhrif þeirra. Hvert stefnir? - Halldór Björnsson, Veðurstofu Íslands

13:50 Náttúrulegar sveiflur og langtíma breytingar á sýrustigi sjávar við Ísland - Jón Ólafsson, Hafrannsóknastofnun og Háskóla Íslands

14:10 Endurheimt votlendis sem mótvægisaðgerð - Jón Guðmundsson, Landbúnaðarháskóla Íslands

14:30 Kaffi

14:45 Skógar og loftslagsbreytingar - Arnór Snorrason, Brynhildur Bjarnadóttir, Björn Traustason og Þorbergur Hjalti Jónsson,  Rannsóknastöð skógræktar, Mógilsá

15:05 Líffræðileg fjölbreytni - Hildur Vésteinsdóttir, Umhverfisstofnun

15:20 Fæðubreytingar í sjó og áhrif á sjófuglastofna við Íslands - Arnþór Garðarsson prof. emiritus

15:40 Þróun svartfuglsveiða – tölur úr veiðiskýrslum - Steinar Rafn Beck, Umhverfisstofnun

16:00 Innrásarvíkingar, Erling Ólafsson, Náttúrufræðistofnun Íslands

16:20 Samantekt fundarstjóra

16:30 Lok málþings

Ljósmynd. Sandsíli við Jökulsárlón, Guðrún A. Tryggvadóttir.

Einkunn

Regnskógurinn

Regnskógar heimsins eru í hitabeltinu við miðbaug. Stærstu regnskógarnir eru í Brasilíu, Kongó og í Indónesíu. Einnig eru regnskógar í Suðausturasíu, Hawaii og í Karíbahafi. Amazonregnskógurinn í Suður Ameríku er stærsti regnskógur heimsins.

Regnskógar eru eins og nafnið gefur til kynna með hátt rakastig. Regnið í regnskógunum er 4000 – 7600 mm á ári. Til samanburðar er rigningin í Reykjavík um 800 mm á ári.

Líffræðilegur fjölbreytileiki er hvergi eins mikill og í regnskóginum. Á nokkrum fermetrum geta verið hundruðir mismunandi tegunda. Öll dýrin og plöntunar eru háðar hvor annarri. Þannig lifa sum skordýr einungis á ákveðinni trjátegund á meðan að sumir fuglar éta einungis vissa skordýrategund. Ef trénu er eytt, deyja skordýrin og einnig fuglarnir sem á þeim lifa. Þannig myndar allt líf í skóginum eina órjúfanlega heild.

Í Regnskóginum er nánast allt efni og öll orka endurnýtt. Ef laufblað fellur á skógarbotninn rotnar það og næringarefnin fara niður í jarðveginn. Regnskógurinn endurvinnur jafnvel sína eigin rigningu. Vatnið gufar upp af skóginum, myndar ský og rignir aftur niður á trén.

Regnskógarnir eru manninum nauðsynlegri vegna þess að þeir geyma mikið magn kolefnis sem annars væri í andrúmsloftinu. Auk þess þá koma mörg efni og lyf úr jurtum sem vaxa í regnskóginum. Hjartalyf eru t.d. upprunnin í regnskóginum.

Ekki er hægt að rækta aftur regnskóg, sé búið að eyðileggja hann. Regnskógarnir hafa þróast í 70 til 100 milljónir ára. Lífríki þeirra er einstakt og ekki hægt að endurskapa það verði það eyðileggingu að bráð.

Grafík: Regnskógar heimsins (dökkgrænu svæðin), af Wikispace.

Einkunn

Scientists under attack - í Bíó Paradís í kvöld

Bíó Paradís sýnir myndina Scientists under attack í kvöld kl. 20:00 en myndin er sýnd í tengslum við komu vísinda- og baráttukonunar Vandana Shiva til Íslands.

Vandana Shiva er hugsuður og baráttukona á sviði sjálfbærrar þóunar, umhverfis- og mannréttindamála. Hún er þekkt um allan heim fyrir baráttu sína fyrir hag indverskra bænda og starf sitt í þágu líffræðilegrar fjölbreytni og bættrar umgengni við umhverfið. Hún heldur opinn fyrirlestur í Háskólabíói kl 17:00 á morgun mánudaginn 29. ágúst.

Sjá nánar um fyrirlestur Vandan Shiva hér.

Einkunn

Munu geimverur koma og bjarga jörðinni?

Umræðan um hnattræna hlýnun tekur á sig ýmsar myndir. Og sumir vilja meina að áhrifin séu mun víðtækari en aðeins hnattræn.

Þessa skoðum má sjá í grein sem Domagal-Goldman vísindamaður hjá NASA ( hann tekur samt fram að greinin sé ekki á vegum stofnunarinnar ) ásamt Seth Baum og JacobHaqq-Misra frá Pennsylvania Sate University skrifuðu fyrir skemmstu.

Í greininni skoða þeir ýmsar útgáfur utanaðkomandi afskipta vegna meðferðar mannkyns á jörðinni og andrúmslofti hennar.  Þessar hugmyndir þeirra eru allt frá að vitsmunaverur utan jarðarinnar fylgist með þróuninni og hafi ekki afskipti af henni. Að þær reyni að upplýsa okkur og fræða til að koma í veg fyrir katastrófu og hamfarir. Og allt að þvi að ráðast á jörðina og eyða mannkyninu til að bjarga náttúrunni. Jafnvel komi hingað og éti okkur.

Þessar hugmyndir eru ekki nýjar af nálinni. Flestar hafa komið fram með einhverjum hætti í vísindaskáldskap, sjónvarpsþáttum og kvikmyndum. Það sem er óvenjulegt er að þarna eru á ferðinni aðilar með akademískan status og líklega einhvern trúverðugleika sem þeir leggja að veði.  Hvort þeir hafa einhverjar upplýsingar, sem öðrum eru ekki aðgengilegar, til stuðnings hugmyndum sinum skal ósagt látið. En víst er að þótt við vitum margt, vitum við ekki allt.

Sjá frétt um greina á vef IBTimes New York og greinina sjálfa

Einkunn

Dvínandi fjölbreytni fæðutegunda okkar

Í dag erum við orðin háð handfylli grænmetis- og ávaxtategunda til fæðuframleiðslu heimsbyggðarinnar en arfleifð okkar taldi þúsundir tegunda sem nú eru horfnar af sjónarsviðinu. Það er erfitt að segja nákvæmlega til um hve margar tegundir hafa horfið á síðustu öld, en rannsókn Rural Advancement Foundation International sem bar saman gögn um framboð á fræjum á almennum fræmarkaði árið 1903 við skráðar frætegundir í fræbanka Bandaríkjanna, (U.S. National Seed Storage Laboratory) árið 1983. Könnunin sem tók til 66 tegunda leiddi í ljós að 93 prósent tegunda væru horfnar af sjónarsviðinu. Nýrri gögn eru nauðsynleg til að halda rannsóknum áfram.

Meira í National Geographic september útgáfu 2011.

Grafík: John Tomanio, starfsmaður NGM. Matartákn: Quickhoney. Heimild: Rural Advancement Foundation International.
Fyrir einni öld
Árið 1903 seldi almennur fræsali í Bandaríkjunum hundruðir tegunda eins og sést á meðfylgjandi grafík.
80 árum síðar
Árið 1983 voru aðeins fáeinar frætegundur eftir á lista fræbanka Bandaríkjanna.

Einkunn