Náttúran.is

04.02.2012 kl. 09:27

Ábendingar frá veðurfræðingi

Um og upp úr miðjum degi hvessir af vestri, fyrst sunnan- og suðvestanlands. Þá éljagangur og vaxandi hálka af þeirra völdum með kvöldinu um allt vestanvert landið. Í Mýrdal, einkum við Reynisfjall, má gera ráð fyrir vindhviðum allt að 30-40 m/s frá því upp úr hádegi og fram eftir degi.

Færð og aðstæður

Á Mosfellsheiði eru hálkublettir en hálka á Lyngdalsheiði. Hálkublettir eru víða í uppsveitum Suðurlands.

Á norðanverðu Snæfellsnesi og á Fróðárheiði er snjóþekja en hálkublettir á Vatnaleið. Hálka er á Bröttubrekku og Holtavörðuheiði en snjóþekja á Laxárdalsheiði og í Svínadal.

Þæfingsfærð og skafrenningur er á Klettshálsi en snjóþekja á Ódrúgs- og Hjallahálsi. Á Steingrímsfjarðarheiði er snjóþekja og él en þæfingsfærð á Þröskuldum. Annars er hálka eða hálkublettir á flestum öðrum leiðum á Vestfjörðum nema hvað það er snjóþekja frá Súðavík og í Reykjanes.

Á Norðurlandi vestra eru hálkublettir á flestum leiðum í Húnavatnssýslum, að mestu autt í Skagafirði en hálkublettir og þoka á Öxnadalsheiði.

Í Eyjafirði er hálka frá Hjalteyrarafleggjara út á Siglufjörð. Hálkublettir eru á Víkurskarði og Fljótsheiði en hálka á Mývatns- og Möðrudalsöræfum. Einnig eru hálkublettir á Sandvíkurheiði, Hófaskarði og á Hálsum. Flughált er á Hólasandi.

Á Austurlandi er hálka á Fjarðarheiði og hálkublettir á Oddskarði en flestar aðrar leiðir eru greiðfærar.

Á Suðausturlandi er allar helstu leiðir greiðfærar.

Þungatakmarkanir

Vegna hættu á slitlagsskemmdum hefur viðauki 1 verið felldur úr gildi og ásþungi takmarkaður við 10 tonn á nokkrum vegum á Austurlandi og eins á Suðausturlandi alveg vestur að Hvolsvelli. Þetta á einnig við um Norðfjarðarveg og Vattarnesveg frá kl 10, laugardaginn 4. febrúar.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Þá eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

Hreindýr á Austur- og Suðausturlandi

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.

Sjá má staðsetningu hreindýrasvæða hér.

Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin