Náttúran.is

Grænu síðurnar

Náttúran.is lítur á það sem samfélagslega skyldu sína að þróa eins fullkomnar „grænar síður“ fyrir Ísland og mögulegt er. Grænu síðurnar gefi þannig yfirsýn yfir hin fjölmörgu fyrirtæki og stofnanir sem tengjast náttúru og umhverfi á einn eða annan hátt. Grænu síðurnar tengja viðmið og vottanir við fyrirtæki og vörur og gefa hinum almenna neytanda möguleika á að beina viðskiptum sínum þangað sem honum finnst vera stunduð fyrirmyndar starfsemi. Grænar síður eru liður í að gera eftirfarandi markmið Náttúrunnar er ehf. að veruleika:

• Að þróa tæknilegar lausnir að samskiptaveröld sem getur tengt á milli þátta sem annars hafa aðeins huglæga eða óbeina tengingu
• Að auka veg íslenskrar náttúru og náttúruafurða í landkynningarlegu tilliti
• Að efla atvinnutækifæri henni tengdri um allt land og á öllum sviðum
• Að efla þátttöku sem flestra í umhverfimeðvituðum lifnaðarháttum og neyslu sem er síður mengandi eða skaðleg en önnur

Á grænum síðum eru upplýsingar um fyrirtæki og stofnanir sem uppfylla eftirfarandi skilyrði eða stunda eftirtalda starfsemi:

• Hafa umhverfisvottun (vottun þriðja aðila) fyrir framleiðslu sína eða starfsemi
• Eru seljendur umhverfis- og/eða siðgæðisvottaðrar vöru
• Hafa opinbera umhverfisstefnu
• Hafa fengið umhverfisviðurkenningu
• Halda grænt bókhald
• Eru eftirlitsaðilar, matsaðilar eða stofnanir
• Eru í ferli til að fá vottun
• Selja umhverfisvottaðar vörur
• Bjóða þjónustu tengda náttúru og/eða umhverfi
• Stunda sjálfbæra starfsemi
• Eru framleiðendur/innflytjendur náttúrulegrar framleiðslu og/eða heilsuvöru

Ekkert gjald er tekið fyrir grunnskráningu á grænar síður en hægt er að bæta ítarupplýsingum við skráninguna gegn hóflegu skráningargjaldi til eins árs í senn. Vottanir og aðrar ítarupplýsingar þurfa að vera byggðar á kröfum og skilyrðum tiltekinna vottunaraðila og vera óvéfengjanlegar. Náttúran áskilur sér rétt til að kynna sér réttmæti innsendra upplýsinga og vinnur í þeim tilfellum með viðkomandi vottunar- og eftirlitsaðilum.

Til þess að komast að því hvort að þitt fyriræki eða einhver sem að þér finnst að ætti heima á Grænum siðum sé þar inni nú þegar, þá slærðu inn leitarorð sem tengjast geta viðkomandi aðila í leitarvélina efst á síðunni eða ferð beint inn á Grænar síður og leitar undir þeim flokki sem að þér finnst passa fyrir viðkomandi. Hafir þú tillögur að skráningu aðila á Grænar síður eða vilt breyta eigin skráningu af einhverjum ástæðum þá hafðu endilega samband og við leitumst við að fullkomna skráninguna. Allar tillögur eru vel þegnar enda ekki hægt að vinna slíkar síður án aðstoðar allra sem hlut eiga að máli.

Sendu fyrirspurn eða tillögu á nature@nature.is eða hringdu í síma 483 150.
Grænar síður™ er skrásett vörumerki í eigu Náttúran er ehf.

Einkunn