Náttúran.is

06.09.2010 kl. 08:53

Framkvæmdir og viðhald

Í dag mánudag frá klukkan 9 og fram eftir degi verður unnið við ljós í Kópavogsgjá. Loka þarf vinstri akrein á leið norður og er umferðarhraði tekin niður í 50 km á vinnusvæðinu. Vinnusvæðið er vel merkt og eru vegfarendur beðnir um að virða merkingar og aka varlega.

Búast má við umferðartöfum á Akureyri vegna malbikunar á Hörgárbraut milli Stórholts og Undirhlíðar fram að hádegi í dag mánudag.

Verið er að gera hringtorg á Reykjanesbraut við Grænás. Umferð er beint um á hjáleið fram hjá vinnusvæðinu.

Unnið er að tvöföldun Hringvegar (1) í Mosfellsbæ, frá Hafravatnsvegi að Þingvallavegi.

Nokkuð víða er unnið að vegavinnu og yfirlögnum á slitlagi, með tilheyrandi lausamöl og steinkasti. Vegfarendur eru eindregið beðnir að aka varlega um vinnusvæðin og virða merkingar um hámarkshraða.

Akstur á hálendisvegum

Þeir sem ætla að aka um hálendið eru beðnir að fullvissa sig um að þeir hafi nógu stór og öflug ökutæki til að fara þær leiðir sem þeir hafa í huga og kanna vatnsmagn í ám ef vöð eru á leiðinni en vatnsmagn í ám á hálendinu er nú með meira móti.
Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin