Náttúran.is

28.01.2012 kl. 20:58

Færð og aðstæður

Þoka er á Hellisheiði og um Þrengsli en annars greiðfært. Töluverð hálka er svo í uppsveitum á Suðurlandi.

Ófært er á Krýsuvíkurvegi.

Hálkublettir eru nokkuð víða á sunnanverðu Snæfellsnesi og óveður á Búlandshöfða en annars er víða autt á Vesturlandi.

Á Vestfjörðum er flughált í Ísafirði í Ísafjarðardjúpi og þaðan í Hrútafjörð. Flughált er einnig á Þröskuldum og víðar. Hálka eða hálkublettir eru svo á flestum öðrum leiðum en þó er ófært frá Vatnsfirði og austur yfir Klettsháls.

Á Norðurlandi er víðast hvar hálka eða hálkublettir en þó sumstaðar flughált eins og t.d. í Eyjafirði en einnig norðaustanlands á Hólaheiði og þaðan að Vopnafirði.

Áframhaldandi flughálka er svo nokkuð víða á Austurlandi og einnig á nokkrum leiðum Suðaustanlands, annars hálka eða hálkublettir.

Ábendingar frá veðurfræðing

Vaxandi hlýindi og leysing um land allt. Einkum kemur til með að rigna vestantil og þá mest seint í nótt og snemma í fyrramálið. Hviður, 30-40 m/s verða undir Hafnarfjalli frá því skömmu fyrir miðnætti og fram undir morgunn. Á norðanverðu Snæfellsnesi frá því í kvöld og til fyrramáls. Eins á Siglufjarðarvegi og í Fljótum í fyrramálið.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Þá eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

Hreindýr á Austur- og Suðausturlandi

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.

Sjá má staðsetningu hreindýrasvæða hér.

Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin