REACH er Evrópureglugerð um skráningu efna og efnavara þar sem markmiðið er að vernda heilsu okkar og umhverfi. Fyrsta samræmda eftirlitsverkefni REACH undir stjórn Efnastofnunar Evrópu verður unnið á þessu ári og þar munu eftirlitsaðilar í hverju Evrópulandi kanna forskráningu og skráningu efna hjá fyrirtækjum í viðkomandi landi. Auk þess verður athugað hvort öryggisblöð fylgi þeim efnum þar sem þess er krafist.

Eftirlit með REACH hér á landi er á ábyrgð Umhverfisstofnunar sem mun skila inn upplýsingum um eftirlitið til Efnastofnunar Evrópu. Niðurstöður þessa fyrsta samræmda eftirlitsverkefnis munu gefa vísbendingu um hvort innflytjendur og framleiðendur innan EES eru í raun að fara eftir REACH reglugerðinni.

Nánar um REACH á vef Umhverfisstofnunar.

Birt:
June 24, 2009
Höfundur:
Umhverfisstofnun
Uppruni:
Umhverfisstofnun
Tilvitnun:
Umhverfisstofnun „Fyrsta samræmda eftirlitsverkefni REACH hleypt af stokkunum“, Náttúran.is: June 24, 2009 URL: http://www.natturan.is/d/2009/06/24/fyrsta-samraemda-eftirlitsverkefni-reach-hleypt-af/ [Skoðað:Aug. 4, 2020]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Messages: