Í eftirlitsverkefni Heilbrigðiseftirlits og Umhverfisstofnunar voru tekin 106 sýni af kryddi og kryddblöndum í mars-maí. Af þeim voru 11 sýni yfir mörkum um örverufjölda. Niðurstöður þessa eftirlitsverkefnis sýna að krydd sem selt er í verslunum um land allt er almennt undir þeim mörkum sem miðað er við varðandi örverufræðileg gæði þess, en 10% sýna stóðust ekki viðmiðunarmörk vegna myglusveppa og auk þess greindust saurkólígerlar langt yfir viðmiðunarmörkum í einu sýnanna. Ástand krydds er betra en var þegar síðast var gerð úttekt á kryddi árið 2003.

Örverur í kryddi geta verið vandamál, þá einkum mygla og aðrar jarðvegsörverur. Því er mikilvægt að matvælafyrirtæki séu vakandi yfir örveruástandi þess.

Sjá nánar á ust.is.

Myndin er af heimagerðu kryddi Fjólu Jóhannsdóttur; blómblöð morgunfrúarinnar, smári, minta, blóðberg og blómablöð rósarinnar. Fjóla hefur um árabil safnað jurtum og unnið úr þeim græðandi áburði, krydd o.fl. Sjá frétt um Fjólu Jóhannsdóttur

Ljósmynd: Einar Bergmundur.
Birt:
June 27, 2007
Höfundur:
Umhverfisstofnun
Tilvitnun:
Umhverfisstofnun „Krydd og örverur - ástandið betra en 2003“, Náttúran.is: June 27, 2007 URL: http://www.natturan.is/d/2007/06/27/krydd-og-rverur-standi-betra-en-2003/ [Skoðað:Aug. 12, 2020]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
breytt: Aug. 17, 2007

Messages: